वेळेसह आयुष्य सुधारण्याची संधी
वास्तविक केवळ वेळ पाहण्यासाठी घड्याळांची निर्मिती करण्यात आली. दिवसाचा कोणता प्रहरांचे तासांमध्ये रुपांतर करून त्याप्रमाणे जीवन व्यतीत होऊ लागले. अगदी सगळ्या गोष्टी घड्याळाच्या वेळेप्रमाणे करण्याची सवय सर्वांनाच लागलेली दिसते. मात्र, आपल्या जीवनात काही समस्या असतील, तर त्यामागे 'वेळ' हाही एक घटक कारणीभूत असू शकतो, असे वास्तूशास्त्र सांगते. येथे वेळेचा अर्थ काळ असा नसून, घड्याळ असा आहे. वास्तूशास्त्रातील काही गोष्टींचे पालन करून आपण आपली 'वेळ' सुधारू शकतो.
Ashadh 2023: आषाढ महिन्यात काय करावे आणि काय करू नये, जाणून घ्या खास महत्व आणि सण उत्सवांची यादी
'या' दिशेला नसावे घड्याळ
वास्तूशास्त्राचे अभ्यासक आणि ज्योतिषी प्रमोद पांडेय यांच्यानुसार, घरातील घडाळ्यांना महत्त्वाचे स्थान असते. घराची सजावट करताना घड्याळाच्या स्थानाकडे विशेष लक्ष देण्याची आवश्यकता असते. घड्याळ कधीही दक्षिण दिशेला लावू नये, असे सांगितले जाते. कारण दक्षिण दिशेला घड्याळ लावल्यास आपले लक्ष कायम दक्षिण दिशेकडे जाते. यामुळे घरातील नकारात्मकता किंवा नकारात्मक ऊर्जा वाढीस लागते. म्हणून दक्षिण दिशेला घड्याळ लावू नये, असा सल्ला दिला जातो.
'या' दिशेला असावे घड्याळ
काही जणांच्या घरात प्रत्येक खोलीत घड्याळ असते. आजच्या काळातील धकाधकीचे जीवन घड्याळावर जास्त अवलंबून असते. ट्रेनची वेळ, ऑफिसची वेळ, बसची वेळ गाठण्यासाठी घड्याळच उपयोगी पडत असते. ज्योतिषी प्रमोद पांडेय यांच्यानुसार, दक्षिण दिशेला घड्याळ लावल्यास वारंवार नुकसान सोसावे लागू शकते. तर उत्तर, पूर्व किंवा पश्चिम दिशेला घड्याळ लावणे सर्वोत्तम असते, असा सल्ला दिला जातो. या दिशांना घड्याळ लावल्यास सकारात्मकता किंवा सकारात्मक ऊर्जा घरात येते. याशिवाय सुख, समृद्धीत वृद्धी होते, असे सांगितले जाते.
दरवाजावर घड्याळ लावावे का?
जगभरात नानाविध प्रकारची घड्याळे पाहायला मिळतात. अगदी काही शे रुपयांपासून लाख रुपयांपर्यंत घड्याळांच्या किमती निश्चित केल्या जातात. काही हौशी मंडळी डायमंड, सोने यांचा वापर करून घड्याळे घडवून घेतात. घड्याळ्यांची निर्मिती करणाऱ्या अनेक कंपन्या ब्रँड बनल्या आहे. मात्र, वास्तूशास्त्राप्रमाणे घराच्या प्रवेशद्वारावर कधीही घड्याळ लावू नये. यामुळे घरातील सदस्यांमध्ये तणाव वाढू शकतो. काही वेळेस याचा आर्थिक आघाडींवरही याचा परिणाम जाणवू शकतो, असे सांगितले जाते.
आद्य समाज सुधारक, कर्माचे श्रेष्ठत्व सांगणारे बसव
गांधारीचे वरदान फोल; 'असा' झाला दुर्योधन वध
'या' गोष्टीही आवश्यक
मनगटी घड्याळांपासून ते डिजिटल घड्याळांपर्यंत आपण अनेक प्रकारची घड्याळे दररोज पाहत असतो. माणसाच्या आवडी-निवडीनुसार, पसंतीनुसार घड्याळांची खरेदी केली जाते. वास्तूशास्त्राप्रमाणे घरातील घड्याळ कधीही तंतोतंत वेळेप्रमाणे ठेवू नये, असे सांगितले जाते. याबाबत बोलताना प्रमोद पांडेय म्हणतात की, घरातील घड्याळ किमान एक ते दोन मिनिटे पुढे ठेवावे. तंतोतंत वेळेप्रमाणे घड्याळ ठेवल्यास जीवनात बाधा निर्माण होऊ शकतात. तसेच परीश्रमाइतके फळ मिळत नाही. कार्यक्षेत्रात अडचणी, समस्यांना सामोरे जावे लागू शकते. नातेसंबंध ताणले जाऊ शकतात, असे सांगितले जाते.
घड्याळ आणि वास्तू
प्रमोद पांडेय यांच्या मताप्रमाणे, बंद पडलेल्या घड्याळाचा कधीही वापर करू नये. घड्याळातील सेल संपले असतील, तर लगेच दुसरे घालावेत किंवा घड्याळामधील तांत्रिक त्रुटी शक्य तितक्या लगेच दुरुस्त करून घ्याव्यात. बंद पडलेले घड्याळ घरातील धन प्रवाह रोखते, असे सांगितले जाते. याशिवाय घड्याळ खरेदी करताना रंगाचाही विचार केला जावा. कधीही निळा, काळा आणि नारंगी रंगाचे घड्याळ खरेदी करू नये. यातून बाहेर पडणारी ऊर्जा नुकसानकारक ठरू शकते. त्याचप्रमाणे पलंगावर घड्याळ लावू नये. यामुळे डोकेदुखी वाढू शकते, असे सांगितले जाते.
Ashadhi Ekadashi 2023: आषाढी एकादशी कधी आहे? जाणून घ्या तिथी, मुहूर्त आणि महत्व