Rahu Remedy : घरातील या स्थानी असतो राहू प्रभाव, या उपायांनी मिळवा दोषापासून मुक्तता

ज्योतिषशास्त्रात राहू हा छाया ग्रह मानण्यात आला आहे. तसेच तो पापकारक आणि क्रूर असल्याचेही सांगितले जाते. एखाद्या व्यक्तीच्या जन्मकुंडलीतील राहूचे स्थान कोणते आहे, त्यावरून राहूचा सदर व्यक्तीच्या जीवनावर कसा आणि काय प्रभाव पडू शकेल? तसेच राहूचा नकारात्मक प्रभाव कुटुंबावर पडल्यास होत्याचे नव्हते होऊ शकते, असे सांगितले जाते. राहू प्रभावामुळे आर्थिक स्थिती डळमळीत होऊ शकते. वैवाहिक जीवनात तणाव येऊ शकतो, असे मानले जाते. घरावर होणाऱ्या राहूच्या प्रभावाबाबत काही उल्लेख आढळून येतात. घरात काही स्थाने अशी असतात, ज्यावर राहूची वक्रदृष्टी पडण्याची शक्यता असते. घरातील त्या नेमक्या स्थान वा ठिकाणांकडे लक्ष दिले नाही, तर नुकसान अटळ असते, असे म्हटले जाते. जाणून घेऊया...

इथे असतो राहू वास

घरातील बाथरूम हे असे स्थान मानले गेले आहे, जेथे नकारात्मकता, निराशा यांचा सर्वाधिक वास असतो. बाथरूम हे कधीही घाणेरडे, अस्वच्छ असता कामा नये, असे म्हटले जाते. अशा ठिकाणी राहूचा नकारात्मक प्रभाव पडू शकतो, अशी लोकमान्यता असल्याचे सांगितले जाते. त्यामुळे बाथरूममधील टाइल्स दररोज स्वच्छ कराव्यात. त्या नेटनेटक्या ठेवाव्यात. त्यावर धूळ, मळ, माती, कचरा साचू देऊ नये. त्या भंग पावल्या असतील, तर दुरुस्ती करून घ्यावी, असे सांगितले जाते. बाथरूममधील नकारात्मकता दूर करण्यासाठी एका वाटीभर सैंधव मीठ ठेवावे आणि ते नियमितपणे बदलावे, असे म्हटले जाते.

Venus Transit शुक्र मेष राशीत विराजमान : 'या' राशींनी करावी बचत, खर्च वाढतील

पायऱ्यांवर राहूचा वास

शौचालयाशिवाय पायऱ्यांमध्ये राहू ग्रह वास करतो. त्यामुळे घरातील पायऱ्या स्वच्छ ठेवाव्यात. थोडीशी भगदाड पडल्यास त्वरित दुरुस्त करावी. याशिवाय पायर्‍या योग्य दिशेने बनवणे खूप गरजेचे आहे. वास्तूनुसार पायऱ्या स्वच्छ न ठेवल्यास राहू सक्रिय होतो. अशा परिस्थितीत जीवनात अनेक उलथापालथ घडतात. यामुळे व्यक्ती कर्जात बुडून जाते. राहू ग्रह सक्रिय नसावा म्हणून पायऱ्यांची साफसफाई करण्याबरोबरच त्यांच्या खाली शौचालय, स्नानगृह इत्यादी बनवू नका आणि कोणत्याही निरुपयोगी वस्तू ठेवू नका. यामुळे नकारात्मक उर्जेचा प्रवाह वाढतो.

असे करा राहू दोष दूर

ज्योतिषांच्या मते राहू दोष टाळण्यासाठी बुधवारी बार्ली, मोहरी, नाणे, सात धान्ये, निळे आणि तपकिरी रंगाचे कपडे आणि ग्लास दान करावे. या व्यतिरिक्त ओम कयानश्चित्र आभुवदूतीसदा वृध: सखा कयाशश्चिष्ठया वृता मंत्राचा जप करावा. या मंत्राचा जप केल्यास आपण राहूची अशुभ दृष्टी टाळू शकता. कुंडलीत राहू दोषा काढून टाकण्यासाठी कबुतरांना बाजरी खाऊ घालावी . हे राहुदोष दूर करते आणि घरात आनंद आणि समृद्धी आणते.

टीप : वर दिलेली माहिती सामाजिक आणि धार्मिक मान्यतेच्या आधारावर दिलेली आहे. यामागे कोणतीही अंध श्रद्धा पसरवण्याचा किंवा त्यास वाढवण्याचा उद्देश्य नाही. त्यामुळे कोणीही तसा गैरसमज करून घेऊ नये.
Ank Jyotish अंक ज्योतिष २० मे २०२२ : या राशीच्या लोकांसाठी आज केलेली गुंतवणूक खूप फायदेशीर ठरेल