वास्तुशास्त्र : तुमच्या घरात टिव्ही, फ्रीज, कुलर, एसी आणि वाटर फिल्टर या योग्य ठिकाणी आहे का ?

आजकाल स्वयंपाकघरातच वाटर फिल्टर ठेवण्याला लोकांची पसंती असते. तुम्ही देखील असे करू शकता. परंतु किचनमध्ये ते लावताना उत्तर दिशेला लावणे चांगले मानले जाते. ही दिशा पाण्याची दिशा असते. म्हणूनच घराच्या उत्तर दिशेला पाण्याशी संबंधित गोष्टी असणे शुभ मानले जाते. म्हणून घरी उत्तर दिशेला वाटर फिल्टर लावला पाहिजे. यामुळे घरात राहणाऱ्या लोकांच्या तब्येतीवर आणि आर्थिक स्थितीवर अनुकूल परिणाम होतो.

वायव्य दिशा ही हवेची जागा मानली जाते. म्हणजेच उत्तर आणि पश्चिम च्या मध्यात असलेल्या उत्तर-पश्चिम दिशेला वायव्य कोन मानला जातो. या दिशेला कुलर व एसी लावल्यास त्याचा प्रभावाने आयुष्य वाढते. जर असे करणे शक्य नसेल तर उत्तर दिशेला या वस्तू ठेवाव्यात त्यानेदेखील सुख मिळेल.

बुधाचा मिथुन राशीत प्रवेश, या ६ राशींना आर्थिक आणि करियरच्या दृष्टीने लाभ

घरातील लिव्हिंग रूम मध्ये बहुतेक लोकं टिव्ही ठेवतात. हा टिव्ही रुममध्ये पूर्व दिशेच्या भिंतीवर लावणे चांगले असते. यामुळे टिव्ही बघत असताना तुमचे तोंड पूर्वेला असते त्यामुळे तुमच्यात सकारात्मक उर्जेचा संचार होतो. जर काही कारणाने हे शक्य नसेल तर उत्तर दिशेच्या भिंतीवर टिव्ही लावू शकता.

पश्चिम दिशेच्या भिंतीजवळ फ्रीज ठेवावा. वीज संबंधी उपकरणांसाठी ही दिशा योग्य मानली जाते. या दिशेला फ्रीज ठेवल्याने माणसाचे आयुष्य वाढते आणि फ्रिजच्या सेवेचा भरपूर लाभ घेता येतो. याचा अजून एक फायदा म्हणजे जेव्हा जेव्हा फ्रीज उघडला जातो तेव्हा त्याचे तोंड पूर्व दिशेला असते आणि त्यामुळे त्यातील वस्तूंमध्ये सकारात्मकता निर्माण होते.

मोहिनी एकादशी २०२१ : यामुळे श्रीरामांनीही केले एकादशी व्रत