म. टा. प्रतिनिधी, औरंगाबाद
बुलडाण्यात होणाऱ्या राज्यस्तरीय बालकुमार युवा साहित्य संमेलनाच्या अध्यक्षपदी प्रसिद्ध कवी प्रा. दासू वैद्य यांची निवड करण्यात आली आहे. येत्या १२ व १३ मार्च रोजी हे साहित्य संमेलन होणार आहे. बुलडाण्यातील साहित्य रसिकांच्या उपस्थितीत डॉ. गणेश गायकवाड यांच्या अध्यक्षतेखाली झालेल्या बैठकीमध्ये दासू वैद्य यांची संमेलनाध्यक्षपदासाठी निवड करण्यात आली. स्वागताध्यक्षपदी बुलडाण्यातील प्रगती सार्वजनिक वाचनालयाच्या अध्यक्ष अरूणा कुल्ली यांची निवड करण्यात आली तर संयोजकपदी नरेंद्र लांजेवार यांची निवड करण्यात आली. दोन दिवसीय बालकुमार युवा साहित्य संमेलनात राज्यातील दीडशेहून अधिक लेखक, साहित्यिक सहभागी होणार आहेत. या साहित्य संमेलनात बालकुमार आणि युवकांसाठी कवी संमेलन, मुलाखती, परिसंवाद, अभिरूप न्यायालय, रिंगण नाट्य, प्रगट मुलाखत असे विविध कार्यक्रम घेतले जाणार आहेत.
बुलडाण्यात होणाऱ्या राज्यस्तरीय बालकुमार युवा साहित्य संमेलनाच्या अध्यक्षपदी प्रसिद्ध कवी प्रा. दासू वैद्य यांची निवड करण्यात आली आहे. येत्या १२ व १३ मार्च रोजी हे साहित्य संमेलन होणार आहे. बुलडाण्यातील साहित्य रसिकांच्या उपस्थितीत डॉ. गणेश गायकवाड यांच्या अध्यक्षतेखाली झालेल्या बैठकीमध्ये दासू वैद्य यांची संमेलनाध्यक्षपदासाठी निवड करण्यात आली. स्वागताध्यक्षपदी बुलडाण्यातील प्रगती सार्वजनिक वाचनालयाच्या अध्यक्ष अरूणा कुल्ली यांची निवड करण्यात आली तर संयोजकपदी नरेंद्र लांजेवार यांची निवड करण्यात आली. दोन दिवसीय बालकुमार युवा साहित्य संमेलनात राज्यातील दीडशेहून अधिक लेखक, साहित्यिक सहभागी होणार आहेत. या साहित्य संमेलनात बालकुमार आणि युवकांसाठी कवी संमेलन, मुलाखती, परिसंवाद, अभिरूप न्यायालय, रिंगण नाट्य, प्रगट मुलाखत असे विविध कार्यक्रम घेतले जाणार आहेत.