नवी BMW X6 भारतात लाँच, पाहा किंमत

नवी दिल्लीः BMW ने गुरुवारी भारतीय बाजारात आपली नवीन BMW X6 लाँच केली आहे. ही कूप एसयूव्ही दोन व्हेरियंट (xLine आणि M Sport) मध्ये बाजारात उतरवली आहे. या दोन्ही कारची किंमत ९५ लाख रुपये आहे. या नवीन एसयूव्ही मध्ये केवळ पेट्रोल इंजिन देण्यात आले आहे. नंतर डिझेल इंजिन पर्याय सुद्धा येण्याची शक्यता आहे.

वाचाः होंडाची जबरदस्त ऑफर, ₹९९९/ लाखांच्या EMI वर नवी कार

नवीन BMW X6 मध्ये मोठी ट्विन किडनी ग्रील, ट्विन पॉड एलईडी हेडलाईट्स, एल शेप एलईडी टेल लाईट्स आणि स्लोपिंग रुफलाईन देण्यात आली आहे. एसयूव्ही च्या xLine व्हेरियंटमध्ये अॅल्यूमिनियम फिनिश ग्रील, xLine स्पेसिफिक एयर एनलेट्स, ग्लॉस ब्लॅक लेटरल ग्रिल्स, अॅल्यूमिनिशन फिनिश सोबत एग्जॉस्ट टिप आणि एयर ब्रीथर सराऊंड आहेत.

एसयूव्ही M Sport व्हेरियंट एम एरोडायनॅमिक्स पॅकेजसोबत येतो. यात वेगळे बंपर साईड स्कर्ट्स, एम बैज, ब्लू ब्रेक कॅलिपर्स, एम डोर सिल फिनिशर्स, एम स्पेसिफिक पॅडल्स व कार की आणि एम स्पोर्ट एग्जॉस्टचा समावेश आहे.

वाचाःमारुतीची ऑफर, कमी EMIवर खरेदी करा नवीन कार

इंटिरियर
बीएमडब्ल्यूच्या या एसयूव्ही मध्ये १२.३ इंचाचा डिजिटल इन्स्ट्रूमेंट क्लस्टर आणि १२.३ इंचाचा टचस्क्रीन इन्फोटेनमेंट सिस्टम देण्यात आला आहे. इन्फोटेनमेंट iDrive टच, वॉयस कंट्रोल, गेस्चर कंट्रोल आणि अॅपल कार प्ले सपोर्ट सोबत येतो. तसेच या शानदार एसयूव्ही मध्ये रेन - सेंसिंग वायपर्स, ऑटोमॅटिक हेडलाइट्स, पॅनोरामिक रुफ ग्लास, २.५ झोन ऑटोमॅटिक क्लायमेंट आणि व्ह्यू कॅमेरा यासारखे फीचर आहेत.

ऑप्शनल फीचर्स
एसयूव्हीत सॉफ्ट क्लोज डोर, ४ झोन ऑटोमॅटिक क्लायमेट कंट्रोल, BMW लेजर लाइट, स्टॉप आणि गो फंक्शन सोबत अॅक्टिव क्रूज कंट्रोल, हेड्स अप डिस्प्ले आणि हार्मन कार्डन ऑडियो सिस्टम यासारखे फीचर देण्यात आले आहेत.

पॉवर आणि वेग
नवीन BMW X6 मध्ये ३.० लीटर, ६ सिलिंडर पेट्रोल इंजिन देण्यात आले आहे. हे इंजिन 5,500-6,500 rpm वर 335 bhp चे पॉवर आणि 1,500-5,200 rpm वर 450 Nm टॉर्क जनरेट करते. कंपनीचा दावा आहे की, हे एसयूव्ही केवळ ५.५ सेकंदात शून्य ते १०० किलोमीटर प्रति तास वेग पकडू शकते.

वाचाः बजाजची नवी पल्सर लवकरच लाँच होणार, पाहा किंमत

वाचाः लॉकडाऊनमध्ये हिरोचा धमाकेदार सेल, सर्वात जास्त दुचाकीची विक्री