सनरुफ आणि डुअल झोन क्लायमेट कंट्रोल
प्रीमियम कारमध्ये मोठं सनरुफ असायला हवं, असा एकप्रकारे अलिखित नियमच आहे. स्कॉर्पिओमध्येदेखील सिंगल-पॅन इलेक्ट्रिक सनरूफ दिलं जाईल. कारच्या काही स्पाय शॉट्समध्ये ते दिसलं आहे. नेक्स्ट जनरेशन स्कॉर्पिओमध्ये डुअल झोन क्लायमेट कंट्रोल पॅनल दिलं जाईल. याद्वारे पुढच्या सीटवर बसलेले प्रवासी त्यांच्यासाठी एसीचं टेम्परेचर सेट करु शकतील. हे प्रीमियम फीचर इतर कोणत्याही कॉम्पॅक्ट SUV मध्ये देण्यात आलेलं नाही. नवीन स्कॉर्पिओमध्ये रियर एसी व्हेंट्स देखील उपलब्ध असतील.
कनेक्टेड कार टेक्नोलॉजी आणि डिजिटल इन्स्ट्रुमेंट क्लस्टर
२०२२ महिंद्रा स्कॉर्पिओमध्ये कंपनीची दुसरी शानदार एसयूव्ही XUV700 प्रमाणे ८ इंचांचा टचस्क्रीन डिस्प्ले पाहायला मिळेल. यामध्ये नवीन तंत्रज्ञानाचा वापर करण्यात आला आहे. यात कनेक्टेड कार टेक्नोलॉजीचा समावेश करण्यात आला आहे. ज्याद्वारे कारमालक कारमधले अनेक फीचर्च हाताळू शकतली, रिमोट फंक्शन ट्रॅक करण्यास परवानगी देईल. या कारमध्ये स्पीडोमीटर आणि टॅकोमीटरसाठी अॅनालॉग डायलमध्ये कलर डिस्प्ले देण्यात आला आहे. हा डिस्प्ले ७ इंचांचा असेल. या डिस्प्लेवर चालकाला वेगवेगळ्या प्रकारची माहिती मिळेल.
वाचा : Suhana Khan ते Aarav Kumar, बॉलिवूड सेलिब्रेटींच्या मुलांकडे लग्जरी कार्सचा ताफा
रूफ-माउंटेड स्पीकर्स आणि ३६० डिग्री कॅमेरा
या कारच्या टेस्टिंगदरम्यान पाहायला मिळाले आहे की, ऑल न्यू प्रीमियम एसयूव्हीमध्ये तगडी स्पीकर सिस्टिम आहे. यात एक अपमार्केट साउंड सिस्टम आहे असा दावा करण्यात आला होता. काही मीडिया रिपोर्ट्सनुसार ही XUV700 सह सादर केलेली Sony साउंड सिस्टीम असण्याची शक्यता आहे. ही सिस्टिम टॉप-स्पेक व्हेरिएंटसाठी रिझर्व्ह ठेवली जाऊ शकते. हल्ली भारतात विविध कार्समध्ये लोकप्रिय होत असलेलं हे एक महत्त्वाचं फीचर आहे. हे फीचर स्कॉर्पिओमध्येदेखील मिळेल. कमी जागेत कार पार्क करताना किंवा कार नेव्हिगेट करताना या फीचरचा वापर होतो.
वाचा : Maruti ची पहिली Electric Car बाजारात धुमाकूळ घालणार, पाहा कशी असेल EV
मिडल रो मध्ये कॅप्टन सीट, लाँचिंग कधी?
नवीन स्कॉर्पिओमध्ये थ्री रो सीटींग अरेंजमेंट पाहाला मिळेल. यातली खास गोष्ट म्हणजे या कारमधील सीटच्या मधल्या रांगेत कॅप्टन सीट असेल. कॅप्टन सीटसह ही कार तिच्या इतर स्पर्धक कार्सच्या पुढे असेल. ही कार अधिक प्रीमियम वाटेल. तसेच तिची केबिन अधिक प्रशस्त आहे. दरम्यान, महिंद्रा कंपनी या महिन्याच्या अखेरपर्यंत या कारचं अनावरण करू शकते. ही कार पेट्रोल आणि डिझेल अशा दोन्ही इंजिन पर्यायांसह तसेच मॅन्युअल आणि ऑटोमॅटिक ट्रान्समिशन पर्यायांसह लाँच केली जाईल. या कारची किंमत १० ते १८ लाख रुपयांच्या दरम्यान असेल.