लो प्रोफाईल टायर्सचे फायदे
लो प्रोफाइल टायर हे कमी उंचीचे आणि थोडे रुंद असतात. जर तुम्ही तुमच्या कारमध्ये लो प्रोफाईल टायर लावत असाल तर कारचं हँडलिंग थोडं सोपं होतं. कार घसरण्याची शक्यता कमी होते. हे टायर रस्त्यावर अधिक चांगली ग्रिप म्हणजेच पकड देतात, ज्यामुळे कारची स्टेबिलिटी वाढते. कारमधील पातळ टायर हे ओल्या रस्त्यावर चांगली ग्रिप देत नाहीत. पावसाळ्यात या कार चालवणं अवघड होतं. परंतु लो प्रोफाइल टायरची पकड घट्ट असते. (PC : Cardekho)
वाचा : दिवाळीत Maruti Dzire सह या ५ सेडान कार्सचा धुमाकूळ, किंमत ६ लाखांपासून सुरू, मायलेज २३ किमीपर्यंत
ब्रेकिंग परफॉर्मन्स सुधारतो, कार हँडलिंग सोपं होतं
तुमच्या कारमध्ये लो प्रोफाईल टायर्स असतील तर कार वळवताना, रस्त्याच्या कोपऱ्यांवर अधिक चांगला कंट्रोल देतात. लो प्रोफाईल टायर बसवल्याने तुमच्या कारचा ब्रेकिंग परफॉर्मन्स देखील सुधारतो. हे टायर्स केवळ दिसायलाच चांगले नसतात तर ते तुमच्या कारला चांगलं कॉर्नरिंग प्रदान करतात. लो प्रोफाईल टायर्स कारचं स्टीअरिंग सुधारतात. ही कार हँडल करणं थोडं सोपं असतं. त्यामुळे कार ड्राईव्ह करताना चालकाचा आत्मविश्वास वाढतो. तसेच अत्याधुनिक लो प्रोफाईल टायर्स पंक्चर झाले तरी अनेक तास चालवता येतात. (PC : DriveSpark)
लो प्रोफाइल टायर बसवण्याचे तोटे
लो प्रोफाईल टायर्सचे जसे फायदे आहेत तसेच तोटे देखील आहेत. परंतु आम्ही इथे तुम्हाला असा सल्ला देत नाही की तुम्ही असे टायर्स वापरू नका. परंतु या टायर्सच्या तोट्यांपैकी सर्वात मोठा तोटा म्हणजे कमी मायलेज. हे टायर बसवल्याने कारचं मायलेज कमी होतं. तुम्ही जर तुमच्या कारमध्ये फ्लॅट टायर्स बसवले तर कारचं मायलेज कमी होईल. तुम्ही तुमची कार दररोज वापरत असाल तर तुम्ही कारच्या मायलेजचा अधिक विचार केला पाहिजे.
भारतातल्या रस्त्यांवर लो प्रोफाईल टायर्स लवकर खराब होण्याची शक्यता
दररोज कार वापरणाऱ्यांनी कारच्या लूक्स ऐवजी मायलेजचा विचार केला पाहिजे. भारतातल्या रस्त्यांची परिस्थिती आपण सर्वजण जाणतोच. त्यामुळे असं म्हटलं जातं की, भारतात लो प्रोफाईल टायर्स वापरू नये. कारण खराब रस्त्यांवर, खूप खड्डे असणाऱ्या रस्त्यांवर लो प्रोफाईल टायर्स लगेच खराब होतात. लो प्रोफाईल टायर्समध्ये रिम आणि टायरमध्ये हवा जाण्यासाठी कमी जागा असते. त्यामुळे रस्ता खराब असेल तर टायर खराब होतात, त्याचप्रमाणे तुमच्या कारचे व्हील्स देखील खराब होऊ शकतात. तसेच लो प्रोफाईल टायर्स महाग असतात. (PC : DriveSpark)