चावीने नव्हे तर किक मारून स्टार्ट केली जीप, नव्या 'जुगाड'चा व्हिडिओ आनंद महिंद्रांनी केला शेअर, पाहा

आपण बाइकला किक मारताना अनेकदा पाहिले असेल परंतु, एका जीपला किक मारून स्टार्ट करताना दिसत असलेला हा व्हिडिओ सोशल मीडियावर खूप व्हायरल होत आहे. या व्हिडिओची जोरदार चर्चा सुरू आहे. आनंद महिंद्रा यांनी या व्हिडिओला आपल्या ट्विटर हँडलवरून शेअर करताना लिहिले की, हे वाहन कोणत्याही नियमानुसार नाही. परंतु, मी लोकांची कमीत जास्त करण्याच्या अशा प्रवृत्तीला नेहमी शेअर करीत राहिल. वाहनांप्रती त्यांची उत्सूकता खरंच जबरदस्त आहे, असे महिंद्रा यांनी म्हटले आहे.

या व्हिडिओला ट्विटरवर यूजर्संकडून जोरदार पसंती मिळत आहे. आनंद महिंद्रा यांच्याकडून शेअर करण्यात आलेल्या या व्हिडिओला आतापर्यंत ३ लाखांहून जास्त लोकांनी पाहिले आहे. तसेच १५ हजारांहून जास्त लाइक्स मिळाले आहेत. तर दीड हजारांहून जास्त लोकांनी या व्हिडिओला रिट्विट केले आहे. हा व्हिडिओ महाराष्ट्रातील आहे. एक व्यक्ती मॉडिफाइड जीपला चालवताना दिसत आहे. व्हिडिओत स्पष्टपणे दिसत आहे की, या व्यक्तीने कसे जुगाड करून हे तयार केले आहे. याला बाइकचे इंजिन लावले आहे. व्हिडिओत जीपला किक मारून स्टार्ट करताना व्यक्ती दिसत आहे.

व्हिडिओला पाहण्यासाठी क्लिक करा

काही दिवसांपूर्वी आनंद महिंद्रा यांनी रस्त्यावर बाइक स्टंट करताना एका व्यक्तीचा व्हिडिओ शेअर केला होता. हा व्हिडिओ शेअर करताना आनंद महिंद्रा यांनी एका हिंदी चित्रपटाच्या गाण्याची लाइन सुद्धा लिहिली होती. व्हिडिओ व्हायरल झाल्यानंतर काही लोकांनी या बाइकवर स्टंट करणाऱ्या तरुणाचे कौतुक केले होते तर काही लोकांनी धोकादायक स्टंट असल्याचे म्हटले होते. आनंद महिंद्रा हे सोशल मीडियावरील चांगल्या व्हिडिओचे कौतुक करीत असतात. त्यांनी शेअर केलेले व्हिडिओ पाहिल्यानंतर आपल्या लक्षात येईल.

महिंद्रा आपल्या कमर्शियल तीनचाकी वाहन सेगमेंट मध्ये इलेक्ट्रिक वाहनांची विक्री वाढवण्यासाठी योजनेवर काम करीत आहे. कंपनीच्या म्हणण्यानुसार, २०२५ पर्यंत देशात तीन चाकी सेगमेंट मध्ये ३० टक्के इलेक्ट्रिक वाहनांना खरेदी केले जाईल. कमर्शियल तीनचाकी वाहन सेगमेंट मध्ये डिझेल वरून इलेक्ट्रिक वाहनात कनव्हर्ट ला पाहून लवकरच बाजारात ५ नवीन इलेक्ट्रिक वाहन आणण्याची घोषणा केली आहे. याआधी महिंद्राने २०२७ पर्यंत १६ इलेक्ट्रिक वाहने उतरवण्याची घोषणा केली होती. ही वाहने इलेक्ट्रिक वाहन एसयूव्ही आणि हलक्या कमर्शियल वाहनमधील असतील.