डान्स करणारी महिंद्रा स्कॉर्पियो पाहिली का?

मुंबई

महिंद्रा स्कॉर्पियो एसयूव्ही या गाडीचा डान्स करीत असल्याचा एक व्हिडिओ सध्या ट्विटरवर खूप व्हायरल होत आहे. विशेष म्हणजे हा व्हिडिओ महिंद्रा अँड महिंद्राचे सर्वेसर्वा आनंद महिंद्रा यांच्याही पसंतीस उतरला आहे.

ट्विटरवर व्हायरल होत असलेल्या या व्हिडिओत महिंद्रा स्कोर्पिओ एका छोट्या घोडीसारखी डान्स करताना दिसत आहे. स्कॉर्पिओला कलरफूल लाइट लावलेली दिसत असून ही गाडी चक्क गाण्यावर डान्स करताना दिसत आहे. हा व्हिडिओ ट्विटरवर शेअर झाल्यानंतर महिंद्रा अँड महिंद्राचे मालक आनंद महिंद्रा यांनीही याचं कौतुक केलं आहे.



या व्हिडिओचं कौतुक करताना आनंद महिंद्रा यांनी ट्विटरवर म्हटलंय की, क्या कहना! नाच मेरी जान...आता या व्हिडिओसारखी गाडी आम्ही कारखान्यातून बनवून निघालेली मॉडेल देऊ शकू की नाही, याबद्दल आम्ही सहमत नाही, असं आनंद महिंद्रा यांनी म्हटलंय. तसेच आनंद महिंद्रा यांनी त्यांच्या कंपनीच्या गाड्यांबद्दल याआधीही मजेदार ट्विट केले आहेत.