नवी दिल्ली : Indian Car Manufacturer Sale in May 2022 : भारतीय वाहन बाजार आता रुळावर आला आहे. सर्व वाहन कंपन्यांची विक्री आता पूर्ववत झाली असल्याचं चित्र सध्या पाहायला मिळत आहे. वाहन कंपन्यांच्या मे २०२२ मधील विक्रीच्या आकडेवारीनुसार भारतीय ऑटो मार्केट सुरळीत असल्याचं चित्र आहे. मे महिन्यात मारुती सुझुकी, ह्युंदाई आणि टाटा मोटर्स सारख्या मोठ्या कार उत्पादक कंपन्यांच्या विक्रीत मोठी वाढ झाल्याचं पाहायला मिळत आहे. जगभरातील वाहन उद्योग सध्या सेमीकंडक्टरच्या तुटवड्यामुळे हैराण आहे. अशा परिस्थितीही या कंपन्यांनी मे महिन्यात चांगली कामगिरी केली आहे. यासोबतच महिंद्रा अँड महिंद्रा, किया इंडिया, टोयोटा किर्लोस्कर मोटर, होंडा कार्स आणि स्कोडा या कंपन्यांनी देखील गेल्या महिन्यात बाजारात त्यांच्या वाहनांच्या विक्रीत वाढ नोंदवली आहे. दरम्यान, एप्रिल महिन्यातील विक्रीची आकडेवारी जाहीर झाली होती तेव्हा टाटा मोटर्स आणि ह्युंदाई मोटर इंडियाच्या विक्रीत खूपच कमी फरक होता. मात्र ह्युंदाई दुसऱ्या नंबरवर कायम होती. परंतु मे महिन्यात टाटाने ह्युंदाईला मागे टाकलं आहे. मे २०२२ मध्ये भारतात वाहन विक्रीच्या बाबतीत टाटा मोटर्सची विक्री ह्युंदाईपेक्षा जास्त होती. मारुती सुझुकी इंडियाने (MSI) मे महिन्यात १,३४,२२२ वाहनांची विक्री केली आहे. भारतात कोरोना विषाणूच्या दुसऱ्या लाटेमुळे मे २०२१ मध्ये खूपच कमी विक्री झाली होती. गेल्या वर्षी मे महिन्यात मारुतीने ३५,२९३ वाहनांची विक्री केली होती.
वाचा : 2022 Hyundai Venue 'या' दिवशी लाँच होणार, कंपनीकडून लेटेस्ट फोटो जारी, पाहा नवीन कारमध्ये काय असेल खास?
टाटाची ह्युंदाईवर मात
भारतीय बाजारपेठेत कार विक्रीच्या बाबतीत टाटा मोटर्स कंपनी आता दुसऱ्या स्थानावर आहे. टाटाने ह्युंदाईला मागे टाकलं आहे. मे महिन्यात टाटा मोटर्सची विक्री वाढून ४५,३४१ इतकी झाली आहे. एका महिन्यात कंपनीची आतापर्यंतची ही सर्वाधिक विक्री आहे. ह्युंदाई मोटर इंडिया तिसऱ्या क्रमांकावर आहे. ह्युंदायने मे महिन्यात ४२,२९३ वाहनांची विक्री केली आहे. टाटा मोटर्सने कॉम्पॅक्ट एसयूव्हींच्या सेगमेंटमध्ये धमाका केल्याने त्यांना ह्युंदाईच्या पुढे जाता आलं.
वाचा : 'या' कंपनीच्या बाइक सुस्साट, एका महिन्यात २.७५ लाख गाड्या विकल्या
महिंद्रा चौथ्या नंबरवर
महिंद्र अँड महिंद्रा या भारतीय वाहन उत्पादक कंपनीने मे महिन्यात भारतीय बाजारपेठेत मोठी विक्री नोंदवली आहे. महिंद्राने या महिन्यात २६,९०४ वाहनांची विक्री नोंदवली आहे. कंपनीने या महिन्यात २६,६३२ एसयूव्ही विकल्या आहेत. कंपनीच्या XUV700 आणि थारसह सर्व एसयूव्हींनी चांगली कामगिरी केली आहे.”
वाचा : लालपरीने कात टाकली, राज्यातली पहिली Electric ST Bus १ जूनपासून प्रवाशांच्या सेवेत, 'असा' असेल मार्ग
किआ आणि टोयोटाच्या विक्रीत वाढ
ह्युंदाईची उपकंपनी असलेल्या किआ इंडिया या कंपनीनेदेखील या महिन्यात बाजारात चांगली कागगिरी केली आहे. कंपनीची मे महिन्यातली विक्री वार्षिक ६९ टक्क्यांनी वाढून १८,७१८ वाहनांवर पोहोचली आहे. गेल्या वर्षी याच महिन्यात कंपनीने ११,०५० वाहनांची विक्री केली होती. तर टोयोटा किर्लोस्कर मोटर (TKM) कंपनीच्या विक्रीतही वाढ झाली आहे. कंपनीने मे महिन्यात १०,२१६ वाहनांची विक्री केली आहे. टोयोटासाठी गेल्या वर्षीचा मे महिना खूप वाईट होता. कंपनीने मे २०२१ मध्ये केवळ ७०७ वाहनांची विक्री केली होती.
वाचा : मोदी सरकारच्या नवीन नियमामुळे Maruti Suzuki अडचणीत, Alto, WagonR, Celerio चं भविष्य अंधारात
वाचा : 2022 Hyundai Venue 'या' दिवशी लाँच होणार, कंपनीकडून लेटेस्ट फोटो जारी, पाहा नवीन कारमध्ये काय असेल खास?
टाटाची ह्युंदाईवर मात
भारतीय बाजारपेठेत कार विक्रीच्या बाबतीत टाटा मोटर्स कंपनी आता दुसऱ्या स्थानावर आहे. टाटाने ह्युंदाईला मागे टाकलं आहे. मे महिन्यात टाटा मोटर्सची विक्री वाढून ४५,३४१ इतकी झाली आहे. एका महिन्यात कंपनीची आतापर्यंतची ही सर्वाधिक विक्री आहे. ह्युंदाई मोटर इंडिया तिसऱ्या क्रमांकावर आहे. ह्युंदायने मे महिन्यात ४२,२९३ वाहनांची विक्री केली आहे. टाटा मोटर्सने कॉम्पॅक्ट एसयूव्हींच्या सेगमेंटमध्ये धमाका केल्याने त्यांना ह्युंदाईच्या पुढे जाता आलं.
वाचा : 'या' कंपनीच्या बाइक सुस्साट, एका महिन्यात २.७५ लाख गाड्या विकल्या
महिंद्रा चौथ्या नंबरवर
महिंद्र अँड महिंद्रा या भारतीय वाहन उत्पादक कंपनीने मे महिन्यात भारतीय बाजारपेठेत मोठी विक्री नोंदवली आहे. महिंद्राने या महिन्यात २६,९०४ वाहनांची विक्री नोंदवली आहे. कंपनीने या महिन्यात २६,६३२ एसयूव्ही विकल्या आहेत. कंपनीच्या XUV700 आणि थारसह सर्व एसयूव्हींनी चांगली कामगिरी केली आहे.”
वाचा : लालपरीने कात टाकली, राज्यातली पहिली Electric ST Bus १ जूनपासून प्रवाशांच्या सेवेत, 'असा' असेल मार्ग
किआ आणि टोयोटाच्या विक्रीत वाढ
ह्युंदाईची उपकंपनी असलेल्या किआ इंडिया या कंपनीनेदेखील या महिन्यात बाजारात चांगली कागगिरी केली आहे. कंपनीची मे महिन्यातली विक्री वार्षिक ६९ टक्क्यांनी वाढून १८,७१८ वाहनांवर पोहोचली आहे. गेल्या वर्षी याच महिन्यात कंपनीने ११,०५० वाहनांची विक्री केली होती. तर टोयोटा किर्लोस्कर मोटर (TKM) कंपनीच्या विक्रीतही वाढ झाली आहे. कंपनीने मे महिन्यात १०,२१६ वाहनांची विक्री केली आहे. टोयोटासाठी गेल्या वर्षीचा मे महिना खूप वाईट होता. कंपनीने मे २०२१ मध्ये केवळ ७०७ वाहनांची विक्री केली होती.
वाचा : मोदी सरकारच्या नवीन नियमामुळे Maruti Suzuki अडचणीत, Alto, WagonR, Celerio चं भविष्य अंधारात