'या' दिवशी लाँच होणार बजाज चेतक; जाणून घ्या वैशिष्ट्ये

नवी दिल्ली: कधी काळी 'बुलंद भारत की बुलंद तसबीर' अशी जाहिरात करून भारतीयांच्या मनावर गारुड केलेल्या बजाजची चेतक स्कूटर लाँच होणार आहे. लाँच होणारी बजाज चेतक स्कूटर ही नव्या युगाची साधर्म्य सांगणारी इलेक्ट्रीक स्कूटर असणार आहे. बजाज चेतक १४ जानेवारी रोजी लाँच होणार आहे.


बजाज चेतक इलेक्ट्रीक स्कूटरला मागील वर्षी १६ ऑक्टोबर रोजी सादर करण्यात आली होती. ही इलेक्ट्रीक चेतक स्कूटरची विक्रीची सुरुवात पुण्यातून करण्यात येणार आहे. त्यानंतर बेंगळुरू आणि अन्य मेट्रो शहरात या स्कूटरची विक्री होणार आहे.

किंमत

बजाज चेतक इलेक्ट्रीक स्कूटरची किंमत १ लाख २० हजार रुपयांच्या आसपास असण्याची शक्यता आहे. बाजारपेठेत बजाज चेतक स्कूटरची स्पर्धा आय-प्रेज आणि अथर ४५० स्कूटरसोबत असणार आहे. लाँचिंग सोहळ्यातच या स्कूटरची किंमत जाहीर होईल.

चेतक स्कूटर इलेक्ट्रिक बॅण्ड अर्बनाइट अंतर्गत सादर करण्यात आली आहे. स्कूटरचा लूक प्रीमियम आहे. रेट्रो लूक असणाऱ्या स्कूटरमध्ये कर्वी बॉडीवर्क, मल्टि स्पोक अलॉय विल्ज, स्विचगिअर, फुल एचडी लाइटिंग आणि डिजीटल कंसोल आहे. आरसा, साइड स्टॅण्ड आमि फूट पेग्स सारख्या ठिकाणी उच्च दर्जाच्या वस्तू वापरण्यात आल्या आहेत. स्कूटरच्या आसनावर कॉन्ट्रासट स्टिचिंग आहे.

'या' कारणासाठी ७.४ लाख मर्सिडीज परत मागवल्या

रेंज

बजाज चेतकमध्य 4kW इलेक्ट्रीक मोटर आणि IP67 रेटेड लिथियम आयन बॅटरी पॅक असणार आहे. बॅटरी रिमुव्हबेल नाही. त्याशिवाय स्कूटरमध्ये दोन रायडिंग (इको आणि स्पोर्ट) मोड असणार असल्याचा कंपनीचा दावा आहे. एकदा चार्ज केल्यानंतर इको मोडमध्ये ९५ किमी आणि स्पोर्ट मोड ८५ किमी पर्यंत स्कूटर धावू शकणार आहे.

फोर्ड इकोस्पोर्टचा नवा अवतार; फोटो लीक
जगातील सर्वात स्वस्त इलेक्ट्रिक कार भारतात येतेय