Hero Lectro C1
हिरो लेक्ट्रो ही इलेक्ट्रिक सायकल कम्यूटर रेंजचा भाग आहे. ही सायकल चालवणाऱ्यांना आरामदायक आणि सुरक्षित रायडिंगचा अनुभव मिळतो, असं कंपनीचं म्हणणं आहे. या सायकलमध्ये कंपनीने 250W BLDC मोटर दिली आहे, जी या सायकलच्या मागच्या चाकामध्ये जोडली आहे. ही सायकल दोन कलर व्हेरिएंट्समध्ये येते. या सायकलमध्ये देण्यात आलेली बॅटरी फुल चार्ज केल्यानतर ही सायकल ३० किलोमीटरपर्यंत धावते. या सायकलची किंमत ३२,९९९ रुपये इतकी ठेवण्यात आली आहे.
वाचा : ७० हजारांहून स्वस्त बाइकवर मिळतोय ८००० रुपयांचा तगडा डिस्काऊंट, जाणून घ्या काय आहे ऑफर
Hero Lectro C5x
हिरोची लेक्ट्रो सी ५ एक्स ही एक स्टायलिश इलेक्ट्रिक सायकल आहे. तसेच ही सायकल मजबूत देखील आहे. यामध्ये कंपनीने लिथियम-आयन डिटॅचेबल बॅटरी दिली आहे. यामुळे ही सायकल चार्ज करणं आणि बॅटरी स्वॅप करणं खूप सोपं होतं. सायकलची बॅटरी काढून घरी देखील ही बॅटरी चार्ज करता येते. ही सायकल पूर्ण चार्ज करायला ३ ते ४ तास लागतात. यातली बॅटरी वॉटर आणि डस्टप्रूफ आहे. यावर धूळ आणि पाण्याचा परिणाम होत नाही. या सायकलची किंमत ३८,९९९ रुपये इतकी आहे.
Hero Lectro F1
हिरो लेक्ट्रो या सिरीजअंतर्गत कंपनीने एफ१ ही आणखी एक इलेक्ट्रिक सायकल सादर केली आहे. हे या रेंजमधलं सर्वात लेटेस्ट मॉडेल आहे. ही सायकल सर्व प्रकारच्या ट्रॅक्स आणि ट्रेल्सवर उपयुक्त आहे. ही सायकल २५ किलोमीटर प्रति तास इतक्या वेगाने धावते. यामध्ये अँटी स्किड अलॉय पेडलसह पुढच्या आणि मागच्या चाकांमध्ये आयएसओ प्रमाणित डिस्क ब्रेक सिस्टिम देण्यात आली आहे. ही सायकल तुम्ही ३८ हजार ९९९ रुपयांमध्ये खरेदी करू शकता. यातली बॅटरी एकदा पूर्ण चार्ज केल्यानंतर ही सायकल ३० किलोमीटर पर्यंतची रेंज देते.
Hero Lectro F6i
हिरो लेक्ट्रो रेंजमधली आणखी एक दमदार इलेकट्रिक सायकल म्हणजे एफ ६ आय. हे एफ सिरीजमधलं टॉप मॉडेल आहे. यामध्ये कंपननीने 11.6 Ah क्षमतेची बॅटरी दिली आहे. ही बॅटरी एकदा पूर्ण चार्ज केल्यानंतर ही सायकल ५५ किलोमटर पर्यंतची रेंज देते. यामध्ये RFID लॉक फंक्शनसह LED डिस्प्ले देण्यात आला आहे. या सायकलची किंमत ५४,९९९ रुपये इतकी आहे. ही सायकल यलो आणि ब्लॅक या दोन कलर ऑप्शन्समध्ये येते. तुम्हाला या सायकलवर ७,५०० रुपयांची सबसिडी देखील मिळेल.
वाचा : Tesla च्या कार्समध्ये मोठा दोष, कंपनीने तब्बल ११ लाख गाड्या परत मागवल्या