करोनाः महिंद्रा कंपनीनं बनवलं व्हेंटिलेटर प्रोटोटाइप

नवी दिल्लीः महिंद्रा अँड महिंद्रा कंपनीचे अध्यक्ष आनंद महिंद्रा यांनी ट्विटरवर व्हेंटिलेटर बनवण्यासाठी सोशल मीडिया ट्विटरवर एक ट्विट केले होते. यानंतर अवघ्या ४८ तासांत व्हेंटिलेटरचे प्रोटोटाइप तयार करण्यात आला आहे. ऑटोमोबाइल कंपनी महिंद्रा अँड महिंद्राच्या इगतपुरी आणि मुंबई प्लांट मध्ये महिंद्राच्या टीमने जीवघेण्या करोना व्हायरस विरुद्ध लढण्यासाठी हे व्हेंटिलेटरचे प्रोटोटाइप तयार केले आहे. इंटरनेटवर खूप सारे संशोधन केल्यानंतर हे शक्य झाल्याचे महिंद्रा अँड महिंद्राच्या टीमने सांगितले.



आता पर्यंत टिमने काय मिळवले आहे, यासंबंधीची माहिती देण्यासाठी महिंद्रा ग्रुपचे अध्यक्ष आनंद महिंद्रा यांनी ट्विटरवर एक व्हिडिओ सुद्धा शेअर केला आहे.



जाणकार आणि संशोधकच्या फीडबॅकच्या आधारावर टीम आता आणखी ३ प्रोटोटाइपवर काम करणार आहे. हे नवीन व्हेंटिलेटर प्रोटोटाइप करोना व्हायरसचा संसर्ग झालेल्या रुग्णांना मदत करणार आहे. प्रोटोटाइप हलके आणि अधिक कॉम्पॅक्ट आहे. टीमचे पुढचे लक्ष आहे की, २ ते ३ दिवसात हे काम पूर्ण करण्यात येईल. या उपकरणाची किंमत ५ ते १० लाख रुपयांत असते. परंतु, आता हे एकदा बनवल्यानंतर केवळ ७ हजार ५०० रुपयांपेक्षा कमी भावात मिळणार आहे, असेही आनंद महिंद्रा यांनी सांगितले आहे. महिंद्रा अँड महिंद्राचे संचालक डॉ. पवन गोयंका यांनाही यासंदर्भात माहिती दिली आहे. दोन समूह मोठ्या सार्वजनिक उपक्रमासोबत आणि सध्याच्या व्हेंटिलेटर निर्माता सोबत काम करीत आहे. डिझाईन सोपी करण्यासाठी आणि क्षमता वाढवण्यासाठी मदत मिळणार आहे. महिंद्राची इंजिनिअरिंगची टीम त्यांच्यासोबत काम करीत आहे, अशी माहिती गोयंका यांनी दिली.


डॉ. गोयंका यांनी ट्विटरवर ही माहिती शेअर केली आहे. बॅग व्हॉल्व मास्क व्हेंटिलेटरच्या एका ऑटोमॅटिक व्हर्जनवर काम करीत आहे. पुढच्या तीन दिवसात आवश्यक मंजुरी मिळाल्यानंतर याचा एक प्रोटोटाइप तयार करण्यात येणार आहे.



करोनाः एमजी मोटरची २ कोटींची मदतीची घोषणा

अमेरिकन कंपनीची बाइक भारतात गुपचूप लाँच

करोनाः ६,४०० कोटी किंमतीच्या BS4 गाड्या पडून