करोनाग्रस्त चालकांना उबरची नुकसान भरपाई

नवी दिल्लीः टॅक्सी सर्विस आणि फुड डिलिवरी कंपन्या अॅप आधारित कॅब सर्विस कंपनी Uber (उबर) च्या मार्गावर चालत आहेत. उबरने नुकतीच एक घोषणा केली आहे. करोना व्हायरसचे पीडित असल्यास आपल्या चालकांना नुकसान भरपाई देणार आहे. शनिवारी उबरने ही घोषणा केली आहे. ज्या चालकांनी COVID-19/ किंवा करोना व्हायरस ग्रस्त असल्याचे दाखवल्यास किंवा ज्यांना आरोग्य अधिकाऱ्यांनी वॉर्डमध्ये ठेवलेले असल्यास उबर त्यांना १४ दिवसांची नुकसान भरपाई देणार आहे.

उबरच्या एका प्रवक्त्याने माहिती देताना सांगितले की, ही नुकसान भरपाई काही ठिकाणी लागू करण्यात आली आहे. तसेच हे जगभरात लागू करणार आहोत. राइड्स आणि प्लेटफॉर्म्सचे वरिष्ठ उपाध्यक्ष अँड्र्यू मॅकडोनाल्ड यांनी सांगितले की, चालकांसाठी असे करणे हे खूप महत्त्वाचे आहे. तसेच अन्य टॅक्सी शेअर आणि डिलिवरी कंपन्यांनीही हे संकेत दिले आहेत. कंपन्याचा हा निर्णय चालकांना खूप मोठा दिलासा देणार आहे. भारतात सोमवारी करोना व्हायरसचे चार नवीन प्रकरणे समोर आली आहेत. त्यामुळे व्हायरसची लागण झालेल्यांची संख्या एकूण ४३ वर पोहोचली आहे. करोना व्हायरसच्या तपासासाठी एकूण ३००३ पैकी ३४ जण पॉझिटिव आले आहे. तर २६९४ निगेटिव आले आहेत.

जगभरात आतापर्यंत एक लाखांहून अधिक लोकांना करोना व्हायरसची लागण झाली आहे. ३३०० हून अधिक लोकांचा मृत्यू झाला आहे. चीन नंतर आता इटलीतील परिस्थिती बिघडली आहे. चीनमध्ये ८०७०० जणांना याची लागण झाली आहे.

किआ मोटर्सच्या कार्निवालची भारतीय बाजारात धूम

ह्युंदाईच्या ९ कारवर २.५ लाखांपर्यंत सूट

३१ मार्च नंतर BS4 गाड्यांचं काय होणार?

हिरोची सुपर स्प्लेंडर बाइक लाँच, पाहा किंमत