करोनाः कार कंपन्यांचा सोशल डिस्टेसिंगचा 'हटके' मेसेज

नवी दिल्लीः करोना व्हायरसला रोखण्यासाठी भारत सरकार जनजागृती राबवत असताना याला साथ देण्यासाठी ऑटोमोबाइल कंपन्यांनी एक मोहीम सुरू केली आहे. सोशल मीडियावरून या कंपन्यांनी मोहीम सुरू केली आहे. लोकांमध्ये जनजागृती व्हावी यासाठी तसेच सोशल डिस्टेसिंग किती महत्वाची आहे, हे सांगण्यासाठी प्रसिद्ध कार कंपन्यांनी आपला लोगो बदलला आहे. करोना व्हायरसला रोखण्यासाठी सर्वात आधी ऑटोमोबाइल कंपन्या पुढे आल्या होत्या. त्यांनी आर्थिक मदतीसोबतच मास्क आणि व्हेंटिलेटर बनवून केंद्र व राज्य सरकारला मदत केली आहे. जर्मन कार ब्रँड फॉक्सवॅगन, मर्सिडीज-बेंज आणि ऑडी कंपन्यांनी सोशल मीडियावर एक जबरदस्त मोहीम चालवली आहे.

मर्सिडीज बेंज

मर्सिडीज बेंजने आपला लोगो बदलला आहे. कंपनीने त्या तीन लाइनच्या सर्कलला वेगळे केले आहे. जे सर्कल एकमेकांना टच करीत होते. मर्सिडीजचा हा लोगो खूप प्रसिद्ध आहे. हा लोगो बनवल्याने कंपनीने मार्कोल होब्राथ यांचे खास आभार मानले आहे.



फॉक्सवॅगन

फॉक्सवॅगन कंपनीने आपल्या लोगोत बदल केला आहे. कंपनीने सर्कलमध्ये 'V' आणि 'W' या दोन्ही अक्षराला वेगवेगळे केले आहे. त्यानंतर कंपनीने हे सोशल मीडियावर पोस्ट केले आहे. यावेळी कंपनीने म्हटले आम्ही #Volkswagen आहोत. सोशल डिस्टेंसिंग बनवण्यासाठी धन्यवाद. जर्मन भाषेत फॉक्सचा अर्थ समाज होतो. आणि वॅगनचा अर्थ कार होतो.



ऑडी

ऑडीनेही एक आगळेवेगळे काम केले आहे. जर्मन कार कंपनी ऑडोने आपल्या लोगोचा एक नवीन प्रयोग केला आहे. ऑडीच्या लोगोत एकमेकांसोबत असलेले चार वर्तूळ आहेत. परंतु, ऑडीने डिस्टेंसिंगचा मेसेज देण्यासाठी या चारही वर्तूळांना वेगळे केले आहे. ऑडीचे हे चार वर्तूळ Audi, DKW, Horch आणि Wanderer नावाचे प्रतिनिधित्व करतात.


करोना व्हायरसः मर्सिडीज पुण्यात बनवणार १५०० बेडचे हॉस्पिटल