टाटा मोटर्सची पहिली इलेक्ट्रिक कार; डेटा लिक!

नवी दिल्ली:
टाटा मोटर्स आपली पहिली इलेक्ट्रिक एसयुव्ही Tata Nexon EV गाडी येत्या १९ डिसेंबरला बाजारात आणणार आहे. मुंबईत होणाऱ्या एका इव्हेंटमध्ये या गाडीचं वर्ल्ड प्रिमीयम होणार आहे. मात्र या ऑफिशिअल पदार्पणाआधीच या गाडीचे फिचर्स लीक झाले आहेत. यात इंजिनपासून डायमेंशनपर्यंतच्या सर्व फिचर्सची माहिती समाविष्ट आहे.

लीक रिपोर्ट्सनुसार, नेक्सॉन इलेक्ट्रिक गाडीत २८.८kWh बॅटरी पॅक आहे, जो ९५kW/२५४Nm मोटरला पॉवर देणार आहे. या इलेक्ट्रिक मोटरचं आउटपुट सुमारे १२९ hp आहे. ही कार एकदा पूर्ण चार्ज केली तर ३०० कि.मी. पर्यंत चं अंतर पार करू शकेल, असा कंपनीचा दावा आहे. या गाडीची किंमत १५ ते १७ लाख रुपयांच्या मध्ये राहण्याची अपेक्षा आहे.

डीसी फास्ट चार्जरने नेक्सॉन ईव्हीची बॅटरी एका तासात ८० टक्के चार्ज होईल. तेच स्टँडर्ड एसी चार्जरने फुल चार्ज व्हायला या बॅटरीला ८-९ तास लागतील. इलेक्ट्रिक नेक्सॉन हिल असिस्ट फंक्शन आणि एनर्जी रिजनरेटिव्ह फिचर्ससह येणार आहे. या इलेक्ट्रिक एसयुव्हीसोबत टाटा मोटर्स ८ वर्षे १६०,००० कि. मी. ची स्टँडर्ड वारंटी देणार आहे.

नेक्सॉन इलेक्ट्रिकने पॉवरट्रेन 'झिपट्रॉन'ला देशाच्या क्लायमेट आणि वाहतुकीची परिस्थिती लक्षात घेऊन विकसित केले आहे. सोबतच, या गाडीचा परफॉर्मन्स, रेंज आणि सेफ्टीकडेही विशेष लक्ष दिलं आहे. या गाडीच्या बॅटरी पॅकमध्ये अॅडव्हान्स्ड लिथियम आयर्न सेल दिले आहेत. सोबत ऑपरेटिंग टेंपरेचर म्हणजे गाडी ज्या तापमानावर चालवली जाईल ते तापमान योग्य राखण्यासाठी लिक्विड कूलिंगची देखील सोय केली आहे.

सिंगल चार्जवर ३०० कि.मी.!; टाटाची पहिली इलेक्ट्रिक कार येतेय
स्रोत