Maruti Suzuki Alto CNG (मारुती सुझुकी अल्टो सीएनजी)-
मारुती सुझुकीची सर्वात स्वस्त आणि सर्वाधिक विक्री होणाऱ्या कारपैकी अल्टोच्या सीएनजी मॉडेलवर ग्राहकांना एकूण ३६ हजार रुपये डिस्काउंटची ऑफर आहे. यामध्ये कॅश डिस्काउंट १८ हजारापर्यंत, एक्स्चेंज बोनस १५ हजारापर्यंत आणि स्पेशल ऑफरअंतर्गत ३ हजार रुपये डिस्काउंट मिळेल.
किती व्हेरिअंट्स - अल्टो LXI आणि LXI (O) या दोन व्हेरिअंटमध्ये सीएनजीचा पर्याय मिळतो.
किंमत किती - Maruti Suzuki Alto च्या CNG बेसिक मॉडेलची दिल्ली एक्स-शोरूम किंमत ४.६६ लाख रुपये आणि टॉप व्हेरिअंटची किंमत ४.७० लाख रुपयांपर्यंत जाते.
अल्टो CNG मायलेज - अल्टो CNG चा मायलेज ३१.५९ किलोमीटर प्रति किलोग्रॅम आहे. अल्टो LXI आणि LXI (O) या दोन व्हेरिअंटमध्ये सीएनजीचा पर्याय मिळतो.
Maruti Suzuki WagonR CNG (मारुती सुझुकी वॅगनआर सीएनजी) -
या जुलै महिन्यात कंपनीकडून मारुती सुझुकी WagonR च्या सीएनजी मॉडेलवर एकूण २६ हजार रुपयांपर्यंत डिस्काउंटची ऑफर आहे. यामध्ये कॅश डिस्काउंट ८ हजारापर्यंत, एक्स्चेंज बोनस १५ हजारापर्यंत आणि स्पेशल ऑफरअंतर्गत ३ हजार रुपये डिस्काउंट मिळेल.
किती व्हेरिअंट्स - मारुती सुझुकी वॅगनआर सीएनजी Maruti Suzuki WagonR-CNG भारतीय बाजारात LXi आणि LXi (O) अशा दोन व्हेरिअंट्समध्ये उपलब्ध आहे.
किंमत किती - Maruti Suzuki WagonR च्या CNG बेसिक मॉडेलची दिल्ली एक्स-शोरूम किंमत ५.७० लाख रुपये आणि टॉप व्हेरिअंटची किंमत ५.७७ लाख रुपयांपर्यंत जाते.
Maruti Suzuki WagonR-CNG मायलेज - सीएनजी मॉडेलमधील वॅगनआर ३३.५४ km/kg इतका मायलेज देते.
Hyundai Santro CNG (ह्युंडाई सँट्रो सीएनजी)
या जुलै महिन्यात ह्युंडाई सँट्रो सीएनजी मॉडेल खरेदी केल्यास तुम्हाला एकूण २५ हजार रुपयांपर्यंत डिस्काउंट मिळेल. यामध्ये कंपनीकडून १० हजार रुपये कॅश डिस्काउंटची ऑफर आहे. याशिवाय, ह्युंडाई सँट्रो सीएनजी मॉडेलवर १० हजार रुपयांपर्यंत एक्स्चेंज बोनस आणि ५,००० रुपये कॉर्पोरेट डिस्काउंटची ऑफरही आहे. अशाप्रकारे तुम्हाला एकूण २५ हजार रुपये डिस्काउंट मिळेल.
किती व्हेरिअंट्स - ह्युंडाई सँट्रो सीएनजी Magna आणि Sport अशा दोन व्हेरिअंट्समध्ये येते.
किंमत किती - ह्युंडाई सँट्रो सीएनजी बेसिक मॉडेलची दिल्ली एक्स-शोरूम किंमत ५.९२ लाख रुपयांपासून सुरू होते, तर टॉप व्हेरिअंटची किंमत ६.०६ लाख रुपयांपर्यंत जाते.
Hyundai NIOS CNG (ह्युंडाई NIOS सीएनजी)
ह्युंडाईकडून NIOS सीएनजी मॉडेलच्या खरेदीवर जुलै महिन्यात कॅश डिस्काउंट ऑफर मिळणार नाही. पण, ग्राहकांना ह्युंडाई NIOS सीएनजी मॉडेलवर १० हजार रुपयांपर्यंत एक्स्चेंज बोनस आणि ५,००० रुपये कॉर्पोरेट डिस्काउंटची ऑफर आहे. म्हणजे या कारवर एकूण १५ हजार रुपये डिस्काउंट मिळेल.
किती व्हेरिअंट्स - ह्युंडाई NIOS सीएनजी Magna आणि Sport अशा दोन व्हेरिअंट्समध्ये येते.
किंमत किती - Maruti Suzuki NIOS CNG मॉडेलची दिल्ली एक्स-शोरूम किंमत ६.८५ लाख रुपये आहे. तर, टॉप व्हेरिअंटची किंमत ७.३८ लाख रुपयांपर्यंत जाते.
Hyundai Aura CNG (ह्युंडाई ऑरा सीएनजी)-
जुलै महिन्यात Hyundai Aura CNG मॉडेलची खरेदी केल्यास १५ हजार रुपयांपर्यंत डिस्काउंट मिळेल. NIOS CNG प्रमाणे या कारवरही Hyundai कंपनीने कॅश डिस्काउंट दिलेले नाही. मात्र, ह्युंडाई ऑरा सीएनजीवर ग्राहकांना १० हजार रुपयांपर्यंत एक्स्चेंज बोनस आणि ५ हजार रुपये कॉर्पोरेट डिस्काउंटची ऑफर दिली जात आहे.
Hyundai Aura CNG किंमत किती?
Hyundai Aura CNG मॉडेलची दिल्ली एक्स-शोरूम किंमत ७.५२ लाख रुपये आहे.