'जेम्स बॉन्ड' पेक्षा कमी नाही ट्रम्प यांचा ड्रायव्हर
अमेरिकेचे राष्ट्राध्यक्ष डोनाल्ड ट्रम्प यांचं भारतात आगमन झालं आहे. पंतप्रधान नरेंद्र मोदी यांनी त्यांचं भारतात दाखल होताच स्वागत केले. त्यांच्या स्वागतासाठी जय्यत तयारी करण्यात आली आहे. ट्रम्प यांचं आता आगमन झालं असलं तरी त्यांची जगप्रसिद्ध कार Cadillac One याआधीच भारतात दाखल झाली आहे. डोनाल्ड ट्रम्प यांची कार चालवणारा ड्रायव्हर किती स्मार्ट असू शकतो. याची कल्पना न केलेलीच बरी. डोनाल्ड ट्रम्प यांचा ड्रायव्हर इंग्रजी फेम 'जेम्स बॉन्ड' पेक्षा कमी नाही, असं म्हटलं तर वावगं ठरणार नाही...जाणून घेऊयात त्यांच्या या ड्रायव्हरविषयी....
फक्त ट्रम्पसाठी Cadillac One
Cadillac One ही कार फक्त डोनाल्ड ट्रम्प यांच्यासाठी बनवण्यात आली. ही एक खास कार आहे. या कारमध्ये केवळ अमेरिकेचे राष्ट्राध्यक्ष बसू शकतात. ही कार अन्य दुसरा कोणीही खरेदी करू शकत नाही. अमेरिकेचे राष्ट्राध्यक्ष अन्य देशाचा दौरा करतात त्यावेळी ही कार त्यांच्या आधी त्या देशात पोहोचते.
राष्ट्रपतींच्या पसंतीनं बनवली कार
अमेरिकेच्या राष्ट्राध्यक्षांची सुरक्षा आणि पसंती लक्षात घेऊन ही कार बनवण्यात आली आहे. या कारमध्ये सर्व सुविधा मिळतात. ज्या डोनाल्ड ट्रम्प यांच्या आवडीच्या आहेत. या कारची किंमत ११.५ कोटी रुपये आहे.
Cadillac One चा चालक कोण?
जगातील शक्तीशाली व्यक्ती म्हणून ज्यांच्याकडे पाहिले जाते. त्या अमेरिकेच्या राष्ट्राध्यक्षाची गाडी कोण चालवत असेल. असा अनेकांना प्रश्न पडल्यावाचून राहत नाही. ही कार चालवणारा चालक प्रोफेशनल असतो. या चालकाला कठीणातील कठीण प्रशिक्षण दिले जाते. त्याचे दररोज हेल्थ चेकअप केले जाते. म्हणजेच या कारचा चालक एखाद्या जेम्स बॉन्ड पेक्षा कमी नाही.
कठोरात कठोर ट्रेनिंग
Cadillac One चालवणारा ड्रायव्हरला यूएस सीक्रेट सर्विस (US Secret Service) कडून प्रशिक्षण दिले जाते. यासाठी अनेक लोकांना प्रशिक्षण दिले जाते. यातील ज्याचे सर्वात चांगले प्रशिक्षण झाले. त्या व्यक्तीची या कारसाठी चालक म्हणून निवड केली जाते.
हे गुण अंगी असावे लागतात
ट्रम्प यांची कार चालवणाऱ्या व्यक्तीला केवळ गाडी चालवता येणे पुरेसे नाही. त्याला स्वसंरक्षणासाठी कधीही तयार राहावे लागते. गरज पडल्यास मोठ्या जमावातून गाडी सुरक्षित बाहेर काढण्याची कसब त्याच्या अंगी असावी लागते. १८० डीग्रीमध्ये ही कार फिरवण्याची कला सुद्धा त्या ड्रायव्हरकडे असावी लागते.