शानदार फीचर्स-
या इलेक्ट्रिक स्कूटरमध्ये सामान ठेवण्यासाठी ५० लिटर क्षमतेचा स्टोरेज स्पेस दिला आहे. याशिवाय, ईबाइकगो रग्ड इलेक्ट्रिक स्कूटरमध्ये 4G कनेक्टिव्हिटीसोबतच इंटरनेटची सुविधा आहे. यामध्ये नेव्हिगेशन, व्हेइकल लोकेशन, इंटेलिजंट व्हेइकल मॉनिटरिंग असे फीचर्स मिळतात. अँटी-थेफ्ट फीचर देखील आहे. ही स्कूटर मोबाइल अॅपच्या माध्यमातून लांबूनच लॉक किंवा अनलॉक देखील करता येते. त्यासाठी कंपनीने एक विशेष मोबाइल अॅप देखील डेव्हलप केलंय. शिवाय यामध्ये १२ निरनिराळे सेन्सरही दिलेत, पण अजून त्याबाबत सविस्तर माहिती मिळालेली नाही. या स्कूटरचा व्हीलबेस १३५० mm, ग्राउंड क्लीअरन्स १७५ mm आणि रुंदी ८५० mm आहे, तर एकूण वजन १२० किलोग्रॅम आहे.
टॉप-स्पीड आणि चार्जिंगसाठी किती वेळ -
Rugged इलेक्ट्रिक स्कूटरमध्ये कंपनीने 3kW (4bhp) इलेक्ट्रिक मोटर दिली असून त्यासोबत 1.9 kWh क्षमतेच्या २ 'स्वॅपेबल' बॅटरी दिल्या आहेत. म्हणजे बॅटरी रिप्लेस करता येते. यातील 'स्वॅपेबल' बॅटरी बदलण्यासाठी फक्त १ मिनिटाचा वेळ लागतो. ही बॅटरी पूर्ण चार्ज होण्यासाठी ४ तासांचा वेळ लागतो असा कंपनीचा दावा आहे. तर, एकदा बॅटरी पूर्ण चार्ज झाल्यावर १६० किलोमीटर ड्रायव्हिंग रेंज मिळते. यामध्ये 3kW क्षमतेची मोटर आहे, त्याद्वारे ही इलेक्ट्रिक स्कूटर ७० किमी प्रति तास असा चांगला टॉप स्पीड देते.
इको आणि पॉवर असे दोन ड्रायव्हिंग मोड्स-
Rugged इलेक्ट्रिक स्कूटरमध्ये इको आणि पॉवर असे दोन ड्रायव्हिंग मोड्स आहेत. इको मोडमध्ये १६० किलोमीटर आणि पॉवर मोडमध्ये १३५ किलोमीटरपर्यंत ड्रायव्हिंग रेंज मिळते असे कंपनीकडून सांगण्यात आले. यामध्ये अलॉय व्हील्स, कम्बाइंड ब्रेकिंग सिस्टिमसोबत (CBS) डिस्क ब्रेक्स दिले आहेत. कंपनी या इलेक्ट्रिक स्कूटरच्या चेसिसवर ७ वर्षांची वॉरंटी आणि बॅटरी पॅक, इलेक्ट्रिक मोटर, चार्जर इत्यादीवर ३ वर्षे किंवा २०,००० किलोमीटरची वॉरंटी देत आहे.
किंमत कमी -
eBikeGo G1 Rugged Electric Scooter ची किंमत ७९,९९९ रुपये आणि eBikeGo G1+ Rugged Electric Scooter ची किंमत ९९,९९९ रुपये आहे. यामध्ये केंद्राकडून दिल्या जाणाऱ्या फेम-२ सब्सिडीचा समावेश आहे. पण, विविध राज्यांकडून मिळणाऱ्या सब्सिडीनंतर किंमत अजून कमी होईल.
किंमतीच्या बाबतीत ही स्टायलिश इलेक्ट्रिक स्कूटर Ola आणि Simple One यांच्यासोबतच बजाज चेतक, टीव्हीएस आयक्यूब अशा प्रमुख इलेक्ट्रिक टू-व्हीलरपेक्षा कमी किंमतीत लाँच झाली आहे. कंपनीच्या अधिकृत संकेतस्थळावर फक्त ४९९ रुपयांमध्ये बुकिंगला सुरूवात झाली असून नोव्हेंबरमध्ये डिलिव्हरीला सुरूवात होईल.