नवी दिल्ली : केंद्रीय रस्ते वाहतूक आणि महामार्ग मंत्रालयाने (MoRTH) कारमध्ये मॉडिफिकेशन करण्याचे नियम कठोर केले आहेत. तरीही कोणी नियमांचं उल्लंघन केल्यास दंड आकारला जाईल, शिवाय कारावास देखील होऊ शकतो. वर्ष २०१७ मध्ये MoRTH ने कारच्या पुढील बाजूला लावले जाणारे 'बुलबार' किंवा 'क्रॅशगार्ड' बॅन केले होते. त्यानंतरही अनेक वाहनचालक सर्रासपणे आपल्या गाड्यांच्या समोरील बाजूला गार्डचा वापर करतात. त्यामुळे आता पुन्हा एकदा वाहतूक पोलिसांनी अशा वाहनचालकांविरोधात मोहिम सुरू केली आहे. तसेच, केंद्रीय रस्ते वाहतूक आणि महामार्ग मंत्रालयाकडूनही 'बुलबार' किंवा 'क्रॅशगार्ड' वापरु नये अशाप्रकारचे संदेश सोशल मीडियाद्वारे शेअर केले जात आहेत. जाणून घेऊया 'बुलबार' किंवा 'क्रॅशगार्ड' म्हणजे नेमकं काय, यावर बंदी कशासाठी, आणि किती दंड व कारावास होऊ शकतो. कसा होतो 'बुलबार'चा वापर आणि का आहे बंदी -
'बुलबार' किंवा 'क्रॅशगार्ड' कारच्या पुढील बाजूला बोनटच्या समोर लावले जाते. खरंतर कारचालक याचा वापर स्वतःच्या आणि कारच्या सुरक्षेच्या दृष्टीकोनातून करतात, पण यामुळे पायी चालणाऱ्यांना मोठी आणि गंभीर दुखापत होण्याची शक्यता असते. शिवाय आता देशात सर्व कारमध्ये पुढे बसणाऱ्यांसाठी डबल एअरबॅगचा नियम लागू होत आहे. एअरबॅग्स अपघातावेळी सुरक्षेसाठी असतात. पण, बोनटच्या समोर जर बुलगार्ड असेल सेन्सर योग्य काम करत नाही आणि अपघाताच्या वेळी एअरबॅग्स कार्यरत होण्यास वेळ लागतो किंवा होत नाहीत. त्यामुळे गंभीर दुखापत होऊ शकते. यासाठी सरकारने बुलबार किंवा क्रॅशगार्डवर बंदी आणली आहे.
शिक्षा किती -
'बुलबार' किंवा 'गार्ड' लावणाऱ्या वाहन मालकावर मोटार वाहन कायदा-१८२अ(४) अंतर्गत गुन्हा दाखल केला जाऊ शकतो. यानुसार कोणत्याही गाडी मालकाने गाडीच्या पार्ट्समध्ये रेट्रोफिटिंग केल्यास त्याला ५ हजार रुपये दंड किंवा ६ महिन्यांपर्यंत कारावासाची शिक्षा होऊ शकते. आता वाहतूक पोलिसांनी अशा वाहनचालकांविरोधात पुन्हा एकदा मोहिम सुरू केली आहे.
वाचा : अभिमानास्पद! आशियातील सर्वात मोठा 'हायस्पीड ट्रॅक' भारतात, जावडेकरांनी केलं उद्घाटन; जाणून घ्या
वाचा : पेट्रोल-डिझेलच्या दरांमुळे वैतागलात? 23km चा दमदार मायलेज देणाऱ्या टॉप ५ सब-कॉम्पॅक्ट suv एकदा बघाच
वाचा : कमी किंमत अन् मस्त फीचर्स! ५ लाखापेक्षा कमी किंमतीत २ 'स्वस्त' माइक्रो SUV
'बुलबार' किंवा 'क्रॅशगार्ड' कारच्या पुढील बाजूला बोनटच्या समोर लावले जाते. खरंतर कारचालक याचा वापर स्वतःच्या आणि कारच्या सुरक्षेच्या दृष्टीकोनातून करतात, पण यामुळे पायी चालणाऱ्यांना मोठी आणि गंभीर दुखापत होण्याची शक्यता असते. शिवाय आता देशात सर्व कारमध्ये पुढे बसणाऱ्यांसाठी डबल एअरबॅगचा नियम लागू होत आहे. एअरबॅग्स अपघातावेळी सुरक्षेसाठी असतात. पण, बोनटच्या समोर जर बुलगार्ड असेल सेन्सर योग्य काम करत नाही आणि अपघाताच्या वेळी एअरबॅग्स कार्यरत होण्यास वेळ लागतो किंवा होत नाहीत. त्यामुळे गंभीर दुखापत होऊ शकते. यासाठी सरकारने बुलबार किंवा क्रॅशगार्डवर बंदी आणली आहे.
शिक्षा किती -
'बुलबार' किंवा 'गार्ड' लावणाऱ्या वाहन मालकावर मोटार वाहन कायदा-१८२अ(४) अंतर्गत गुन्हा दाखल केला जाऊ शकतो. यानुसार कोणत्याही गाडी मालकाने गाडीच्या पार्ट्समध्ये रेट्रोफिटिंग केल्यास त्याला ५ हजार रुपये दंड किंवा ६ महिन्यांपर्यंत कारावासाची शिक्षा होऊ शकते. आता वाहतूक पोलिसांनी अशा वाहनचालकांविरोधात पुन्हा एकदा मोहिम सुरू केली आहे.
वाचा : अभिमानास्पद! आशियातील सर्वात मोठा 'हायस्पीड ट्रॅक' भारतात, जावडेकरांनी केलं उद्घाटन; जाणून घ्या
वाचा : पेट्रोल-डिझेलच्या दरांमुळे वैतागलात? 23km चा दमदार मायलेज देणाऱ्या टॉप ५ सब-कॉम्पॅक्ट suv एकदा बघाच
वाचा : कमी किंमत अन् मस्त फीचर्स! ५ लाखापेक्षा कमी किंमतीत २ 'स्वस्त' माइक्रो SUV