हुंडायी आय १० एनआयओएस लॉंच , 'हे' आहेत फिचर्स

नवी दिल्ली: हुंडायी ग्रॅंड आय १० एनआयओएस आज भारतात लॉंच होणार आहे. ही थर्ड जनरेशन कार असून तिची किंमत तब्बल पाच लाख रुपये आहे. या कारचा लुक ग्रँड आय१०हून थोडा वेगळा आहे. तसंच नावात एनआयओएसही जोडण्यात आलं आहे. पण ही नवीन कार आल्यानंतरही जुन्या आय १० मॉडेलची विक्री सुरूच राहणार आहे.

या कारच्या पुढील भागात प्रोजेक्टर्ससोबत लांब स्वेप्टबॅक हेडलॅम्प्सही दिले आहेत. कॅसकेडिंग ग्रिल आणि व्ही शेप एलईडी लाइट्स (डीआरएल) ही देण्यात आले आहेत. ही कार आताच्या आय१०हून जास्त आकर्षक आहे. कारच्या मागील भागात रॅपअराउंड टेलिलाइट्स आहेत.

या कारचा आतील रंग ड्युल टोन कलरचा आहे. या कारच्या केबिनमध्ये तुम्हाला अॅंड्रॉइड ऑटो आणि अॅपल कारप्लेसोबत ८ इंच टचस्क्रीन सोबत मल्टी फंक्शन स्टीयरिंग व्हील, ऑटो क्लायमेट कंट्रोल, रियर एसी वेंट्स आणि वायरलेस चार्जिंग फिचर्स मिळतील. या कारमध्ये पेट्रोल आणि डिझेल इंजिनही आहे. या कारमध्ये ५ स्पीड मॅन्युअल्स तर ५ स्पीड ऑटोमोटेड मॅन्यूअल ट्रान्समिशनही उपलब्ध आहेत. बाजारात मारुती स्विफ्ट, फॉर्ड फिगो सारख्या गाड्यांच्या स्पर्धेतही कार उतरणार आहे.