Hero MotoCorp:हिरोची नवीन बाइक; माहितीचा व्हिडिओ लीक

नवी दिल्लीः

हिरो कंपनीच्या आगामी बाइकची पहिली झलक नुकत्याच एका लीक झालेल्या व्हिडिओतून समोर आली आहे. हिरो कंपनी एचएक्स २०० आर किंवा हिरो करिझ्मा या नावाने हे मॉडेल बाजारात उतरवणार असल्याचे संकेत आहेत. हिरोची ही नवीन बाईक बजाज पल्सर २०० आरएसच्या स्पर्धेत येणार आहे.


या बाइकचा पहिला लूक हिरोच्या एचएक्स २५०आर सारखा असून, अॅलॉय व्हिल डिझाइन आणि एग्झॉस्ट पाइप हिरो एक्स्ट्रीम २००आर सारखे आहेत. बाइकला फ्लॅट हॅंडलसहीत १९९.० सीसी सिंगल सिलेंडर इंजिन बसवण्यात आले आहे. फिचर्सनुसार, ही मोटरसायकल हिरोच्या २०० सीसी या प्रकारातील असण्याची शक्यता वर्तवण्यात येत असून, येत्या वर्षाअखेरीस बाजारात आणली जाऊ शकते.