BS6, जास्त मायलेजसह हिरोची प्लेजर प्लस लॉंच

नवी दिल्लीः दुचाकी निर्मितीत आघाडीवर असलेली भारतीय कंपनी हिरो मोटोकॉर्पने BS6 कम्प्लायंट असलेली नवी प्लेजर प्लस स्कूटर बाजारात लॉंच केली आहे. स्टील व्हील आणि अॅलॉय व्हील, असे दोन व्हेरिएंट देण्यात आले आहेत. BS6 Hero Pleasure Plus 110 FI स्कूटरची किंमत BS4 मॉडेलपेक्षा ६,३०० रुपयांनी जास्त आहे. गेल्या वर्षीपासून हिरोने आपल्या दुचाकींची निर्मिती बीएस ६ निकषांप्रमाणे करायला सुरुवात केली आहे. बीएस ६ निकषांप्रमाणे तयार करण्यात आलेली स्प्लेंडर आयस्मार्ट ही देशातील पहिली स्कूटर हिरो कंपनीने बाजारात दाखल केली होती.

TVS ची पहिली ई-स्कूटर लॉन्च; किंमत १.१५ लाख

प्लेजर प्लस स्कूटरमध्ये ११० सीसीचे सिंगल-सिलिंडर इंजिन देण्यात आले आहे. बीएस ६ निकषांप्रमाणे तयार करण्यात आलेली प्लेजर प्लसमध्ये फ्यूएल इंजेक्शन आणि एक्झॉस्ट सिस्टिम देण्यात आली आहे. या स्कूटरचे इंजिन ८ बीएचपीची पॉवर आणि ८.७ एनएम टॉर्क जनरेट करते. बीएस ४ मॉडेलपेक्षा प्लेजर प्लसचे मायलेज १० टक्क्यांनी जास्त असल्याचा दावा कंपनीकडून करण्यात आला आहे.

'या' कारणासाठी ७.४ लाख मर्सिडीज परत मागवल्या

हिरो प्लेजर प्लस स्कूटरचे अपडेटेज व्हर्जन कंपनीच्या जयपूर येथील प्रकल्पात तयार करण्यात आले आहे. स्कूटरच्या हेडलँम्पला चारही बाजूने क्रोम फिनिश, क्रोम थ्रीडी बॅजिंग, नवीन अॅलॉय व्हील्ससह काही वैशिष्ट्यपूर्ण फिचर यामध्ये देण्यात आले आहे. भारतीय बाजारात या स्कूटरची किंमत ५४,८०० आणि ५६,८०० रुपये आहे.

अबब..! भारतात सव्वा तीन कोटींची कार लाँच

बीएस ६ हिरो प्लेजर प्लस ७ आकर्षक रंगांमध्ये उपलब्ध आहे. यामध्ये मॅट रेड, मॅट ग्रीन, मॅट अॅक्सिस ग्रे, ग्लॉसी ब्लॅक, ग्लॉसी ब्लू, ग्लॉसी व्हाइट आणि ग्लॉसी रेड या रंगांचा समावेश आहे. होंडा अॅक्टिव्हा आणि टीव्हीएस स्कूटी झेस्ट या स्कूटरशी हिरोजी प्लेजर प्लस स्पर्धा करेल.