ह्यूंदाईची फोल्डेबल ई-स्कूटर ; हातात घेऊनही फिरू शकता

नवी दिल्लीः ह्यूंदाईची फोल्डेबल इलेक्ट्रिक स्कूटर लवकरच बाजारात लाँच करण्याच्या तयारीत आहेत. ह्यूंदाईची ही स्कूटर तुम्ही हातात घेऊनही फिरू शकणार आहात. २०१७मध्ये लाँच झालेल्या इंटीग्रेटेड इलेक्ट्रिक स्कूटर संकल्पनेवर आधारित आहे. कंपनीने ही स्कूटर आपल्या कार खरेदीदारांच्या सोयीसाठी डिजाइन केली आहे. स्कूटरच्या समोरील बाजूस लाइट्स देण्यात आल्या आहेत. लिथियम आयन बॅटरी आमि रिअर व्हील ड्राइव्ह सिस्टम सारख्या सुविधा या स्कूटरमध्ये देण्यात आल्या आहे.

भविष्यात ह्यूंदाई किंवा किआ मोटर्स या कारबरोबर ही खास इलेक्ट्रिक स्कूटरही देण्यात येणार असल्याचे कंपनीने सांगितले आहे. या स्कूटरचा वापर कारपर्यंत पोहोचण्यासाठी आणि कारमधून उतरल्यानंतर फिरण्यासाठी करता येऊ शकतो. या स्कूटरसाठी कारमध्ये खास जागा तयार केली जाणार आहे.

ह्यूंदाईच्या या इलेक्ट्रिक स्कूटरमध्ये १०.५ एच लिथिअम-आर्यन बॅटरी देण्यात आली आहे. ही स्कूटर पूर्ण चार्ज केल्यावर २० किलोमीटरपर्यंत अंतर कापू शकते. या स्कूटरचा वेग २० किलोमीटर प्रतितास आहे. तसंच कार चालू सुरु असतानाच उत्पन्न होणाऱ्या वीजेपासून स्कूटर चार्ज होईल. या स्कूटरचे वजन ७.७ किलोग्राम आहे . तर ही स्कूटर ३ बाजूंनी फोल्ड करता येईल. तसेच ही स्कूटर हातातही घेऊन फिरता येऊ शकते.

फीचर्स

इलेक्ट्रिक स्कूटरमध्ये एक डिजिटल डिस्प्ले देण्यात आला आहे. यात वेग आणि बॅटरी स्टेटस याची माहितीही मिळणार आहे. रात्रीच्या वेळेस प्रकाश मिळावा यासाठी एलईडी हेडलाइट आणि दोन टेललाइट देण्यात आली आहे. याव्यतिरिक्त ह्यूदांई या स्कूटरमध्ये रिजेनरेटीव्ह ब्रेकिंग सिस्टमचा सामावेश करण्यात येणार असून, यामुळे स्कूटरची रेंज ७ टक्यांवरून वाढणार आहे.