नवी दिल्ली : Kia Sonet Sale : भारतीय वाहन बाजारात गेल्या दोन-तीन वर्षांपासून एसयूव्ही आणि मिड साईज एसयूव्ही गाड्यांची मागणी वाढली आहे. या सेगमेंटमधील विविध कंपन्यांची वाहनं उत्तम कामगिरी करत आहेत. या सेगमेंटवर भारतीय वाहन उत्पादक कंपनी टाटा मोटर्स आणि महिंद्रा या दोन कंपन्यांचं वर्चस्व असलं तरी इतरही वाहन उत्पादक कंपन्यांच्या एसयूव्ही बाजारात चांगली कामगिरी करत आहेत. या बाबतीत ह्युंदाई आणि किआ मोटर्सच्या कार्सदेखील मोठ्या प्रमाणात ग्राहक आपल्याकडे खेचण्यात यशस्वी ठरल्या आहेत. याच दरम्यान, किआ इंडिया (Kia India) कंपनीने भारतीय बाजारात एक मैलाचा दगड पार केला आहे. कंपनीने आपल्या कॉम्पॅक्ट एसयूव्ही किआ सोनेट (SUV Kia Sonet) या कारच्या १.५ लाख युनिट्सच्या विक्रीचा टप्पा ओलांडला आहे. ही कार भारतात सप्टेंबर २०२२ मध्ये लाँच करण्यात आली होती. लाँचिंगनंतरच्या अवघ्या २ वर्षात कंपनीने १.५ लाख युनिट्सची विक्री केली आहे. कंपनीच्या एकूण वाहन विक्रीपपैकी ३२ टक्के वाटा एकट्या सोनेट कारचा आहे. कॉम्पॅक्ट एसयूव्हींच्या सेगमेंटमधील ही एक लोकप्रिय कार आहे. या कारमध्ये आयएमटी टेक्नोलॉजी देखील देण्यात आली आहे. कार्सच्या एकूण ग्राहकांपैकी २५ टक्के ग्राहक हे आयएमटी मॉडेल खरेदी करतात. तसेच कॉम्पॅक्ट एसयूव्हींच्या रेंजमध्ये या कारचा बाजारात १५ टक्के हिस्सा आहे.
वाचा : फक्त ही ट्रिक वापरा, कुत्रा गाडीच्या मागे धावणार नाही, भुंकणारही नाही
सुरक्षित कार
ही कार तिच्या आकर्षक डिझाईनमुळे ग्राहकांच्या आकर्षणाचा केंद्र बनली आहे. कंपनीने १.५ लाख युनिट्सच्या विक्रीचा टप्पा ओलांडल्यानंतर किआ इंडियाचे मुख्य विक्री अधिकारी, म्युंग-सिक सोहन म्हणाले की, “आम्हाला आनंद होत आहे की आमच्या सोनेट या कारने १.५ लाख कुटुंबांमध्ये स्थान मिळवलं आहे. शहरी भागात या कारला मोठा प्रतिसात आहे. आम्हाला आमच्या या प्रोडक्टचा अभिमान आहे. सोहन म्हणाले की, सोनेटने केवळ तिच्या डिझाइन, परफॉर्मन्स आणि व्यावहारिकतेसाठीच नव्हे तर IMT डिझेल व्हर्जनसाठी देखील ग्राहकांना आपल्याकडे खेचलं आहे. या कारच्या बेस व्हेरिएंटमध्ये ४ एअरबॅग्स दिल्या जातात, ज्यामुळे वाहनाची सुरक्षितता वाढते, त्यासोतच लोकप्रियता देखील वाढते.
वाचा : निवृत्तीनंतर 'अग्निवीरां'ना Mahindra देणार नोकरी, आनंद महिंद्रांची मोठी घोषणा
ऑटोमॅटिक ट्रान्समिशनला ग्राहकांची पसंती
ग्राहकांनी या कारच्या टॉप आणि महागड्या व्हेरिएंटला देखील पसंती दर्शवली आहे. सोनेटच्या एकूण विक्रीपैकी २६ टक्के वाटा या कारच्या टॉप व्हेरिएंटचा आहे. ऑटोमॅटिक ट्रान्समिशनची वाढती मागणी सोनेटच्या विक्रीच्या आकडेवारीवरुन पुन्हा एकदा स्पष्ट झाली आहे. कारण २२ टक्के खरेदीदारांनी या कारच्या ऑटोमॅटिक ट्रान्समिशन मॉडेलला प्राधान्य दिलं आहे. तसेच या कारच्या डिझेल पॉवरट्रेन व्हर्जनला देखील पसंती मिळत आहे. कारच्या एकूण विक्रीपैकी ४१ टक्के वाटा हा डिझेल मॉडेल्सचा आहे.
वाचा : मुंबईकरांना आता एसी डबल डेकरची मजा, पहिली इलेक्ट्रिक AC Double Decker बस लवकरच येतेय
वाचा : फक्त ही ट्रिक वापरा, कुत्रा गाडीच्या मागे धावणार नाही, भुंकणारही नाही
सुरक्षित कार
ही कार तिच्या आकर्षक डिझाईनमुळे ग्राहकांच्या आकर्षणाचा केंद्र बनली आहे. कंपनीने १.५ लाख युनिट्सच्या विक्रीचा टप्पा ओलांडल्यानंतर किआ इंडियाचे मुख्य विक्री अधिकारी, म्युंग-सिक सोहन म्हणाले की, “आम्हाला आनंद होत आहे की आमच्या सोनेट या कारने १.५ लाख कुटुंबांमध्ये स्थान मिळवलं आहे. शहरी भागात या कारला मोठा प्रतिसात आहे. आम्हाला आमच्या या प्रोडक्टचा अभिमान आहे. सोहन म्हणाले की, सोनेटने केवळ तिच्या डिझाइन, परफॉर्मन्स आणि व्यावहारिकतेसाठीच नव्हे तर IMT डिझेल व्हर्जनसाठी देखील ग्राहकांना आपल्याकडे खेचलं आहे. या कारच्या बेस व्हेरिएंटमध्ये ४ एअरबॅग्स दिल्या जातात, ज्यामुळे वाहनाची सुरक्षितता वाढते, त्यासोतच लोकप्रियता देखील वाढते.
वाचा : निवृत्तीनंतर 'अग्निवीरां'ना Mahindra देणार नोकरी, आनंद महिंद्रांची मोठी घोषणा
ऑटोमॅटिक ट्रान्समिशनला ग्राहकांची पसंती
ग्राहकांनी या कारच्या टॉप आणि महागड्या व्हेरिएंटला देखील पसंती दर्शवली आहे. सोनेटच्या एकूण विक्रीपैकी २६ टक्के वाटा या कारच्या टॉप व्हेरिएंटचा आहे. ऑटोमॅटिक ट्रान्समिशनची वाढती मागणी सोनेटच्या विक्रीच्या आकडेवारीवरुन पुन्हा एकदा स्पष्ट झाली आहे. कारण २२ टक्के खरेदीदारांनी या कारच्या ऑटोमॅटिक ट्रान्समिशन मॉडेलला प्राधान्य दिलं आहे. तसेच या कारच्या डिझेल पॉवरट्रेन व्हर्जनला देखील पसंती मिळत आहे. कारच्या एकूण विक्रीपैकी ४१ टक्के वाटा हा डिझेल मॉडेल्सचा आहे.
वाचा : मुंबईकरांना आता एसी डबल डेकरची मजा, पहिली इलेक्ट्रिक AC Double Decker बस लवकरच येतेय