६ लाखांहून स्वस्त सेडान कारसमोर Aura, Tigor, Amaze फेल, एका महिन्यात विकल्या ९,६०१ गाड्या
Best Selling Sedan Cars in India : भारतीय वाहन बाजारात सेडान कार्सना अजूनही चांगली मागणी आहे. मारुती सुझुकी डिझायर ही देशातली सर्वात लोकप्रिय सेडान कार आहे. कंपनीने गेल्या महिन्यात या कारच्या ९,६०१ युनिट्सची विक्री केली आहे.
महाराष्ट्र टाइम्स.कॉम 28 Oct 2022, 1:38 pm
हायलाइट्स:
- भारतात हॅचबॅक आणि एसयूव्हींच्या विक्रीत वाढ
- सेडान कार्सची विक्री जैसे थे
- मारुती सुझुकी डिझायर देशातली सर्वात लोकप्रिय सेडान कार
नवी दिल्ली : Best Selling Sedan Cars : भारतात हॅचबॅक आणि एसयूव्ही वाहनांच्या मागणीत मोठी वाढ झाली आहे. असं असलं तरी सेडान कार्सची विक्री देखील कायम आहे. मारुती सुझुकीची डिझायर ही देशात सर्वाधिक विकली जाणारी सेडान कार ठरली आहे. गेल्या अनेक महिन्यांपासून ही देशातली सर्वाधिक विकली जाणारी सेडान कार ठरतेय. कंपनीने गेल्या महिन्यात (सप्टेंबर २०२२) या कारच्या ९,६०१ युनिट्सची विक्री केली आहे. गेल्या वर्षीच्या सप्टेंबर महिन्यात कंपनीने या कारच्या २,१४१ युनिट्सची विक्री केली होती. यावर्षी कंपनीने तब्बल ३४८.४४ टक्के वाढ नोंदवली आहे. कंपनीने गेल्या वर्षीच्या तुलनेत या वर्षीच्या सप्टेंबर महिन्यात ७,४६० अधिक कार्स विकल्या आहेत. असं असलं तर मासिक आधारावर या कारची विक्री घटली आहे. कारण कंपनीने ऑगस्ट २०२२ मध्ये या कारच्या ११,८६८ युनिट्सची विक्री केली आहे. सप्टेंबर महिन्यात या कारच्या विक्रीत १९.१० टक्के घट झाली आहे. या कारची किंमत ५.९८ लाख रुपये इतकी आहे. ही एक्स शोरूममधली किंमत आहे.
वाचा : दिवाळीत नवीन बाइक खरेदीची संधी हुकली? टेन्शन सोडा! या ६ बाइक्सवर अजूनही मिळतोय तगडा डिस्काउंट
ह्युंदाई ऑरा दुसऱ्या नंबरवर
देशात सर्वाधिक विकल्या जाणाऱ्या सेडान कार्सच्या यादीत दुसरा नंबर ह्युंदाई ऑरा या कारने पटकावला आहे. गेल्या महिन्यात कंपनीने या कारच्या ४,२३९ युनिट्सची विक्री केली आहे. या कारच्या विक्रीत ४८.११ टक्के वार्षिक वाढ झाली आहे. तिसऱ्या नंबरवर होंडा अमेझ सेडान ही कार आहे. कंपनीने गेल्या महिन्यात या कारच्या ४,०८२ युनिट्सची विक्री केली आहे. अमेझच्या विक्रीत वार्षिक ९७.८७ टक्के वाढ झाली आहे.
वाचा : ३.३९ लाखांच्या कारवर ४३,००० रुपयांचा डिस्काउंट, दिवाळीनंतरही मिळतेय ऑफर!
टिगॉरच्या विक्रीत वाढ
सप्टेंबर २०२२ मध्ये मारुती डिझायर, ह्युंदाई ऑरा आणि होंडा अमेझनंतर विक्रीच्या बाबतीत टाटा टिगॉर ही कार चौथ्या नंबरवर होती. कंपनीने टिगॉरच्या ३,७०० युनिट्सची विक्री केली आहे. टिगॉरची विक्री १८३.७४ टक्क्यांनी वाढली आहे. कंपनीने या वर्षाच्या सुरुवातीला टिगॉरचं सीएनजी व्हेरिएंट देखील लाँच केलं आहे. यानंतर होंडा सिटी आणि ह्युंदाई वेर्ना या सेडान कार्सचा नंबर लागतो.
वाचा : Best Selling Electric Cars : या आहेत देशात सर्वाधिक विकल्या जाणाऱ्या Top 5 इलेक्ट्रिक कार
वाचा : दिवाळीत नवीन बाइक खरेदीची संधी हुकली? टेन्शन सोडा! या ६ बाइक्सवर अजूनही मिळतोय तगडा डिस्काउंट
ह्युंदाई ऑरा दुसऱ्या नंबरवर
देशात सर्वाधिक विकल्या जाणाऱ्या सेडान कार्सच्या यादीत दुसरा नंबर ह्युंदाई ऑरा या कारने पटकावला आहे. गेल्या महिन्यात कंपनीने या कारच्या ४,२३९ युनिट्सची विक्री केली आहे. या कारच्या विक्रीत ४८.११ टक्के वार्षिक वाढ झाली आहे. तिसऱ्या नंबरवर होंडा अमेझ सेडान ही कार आहे. कंपनीने गेल्या महिन्यात या कारच्या ४,०८२ युनिट्सची विक्री केली आहे. अमेझच्या विक्रीत वार्षिक ९७.८७ टक्के वाढ झाली आहे.
वाचा : ३.३९ लाखांच्या कारवर ४३,००० रुपयांचा डिस्काउंट, दिवाळीनंतरही मिळतेय ऑफर!
टिगॉरच्या विक्रीत वाढ
सप्टेंबर २०२२ मध्ये मारुती डिझायर, ह्युंदाई ऑरा आणि होंडा अमेझनंतर विक्रीच्या बाबतीत टाटा टिगॉर ही कार चौथ्या नंबरवर होती. कंपनीने टिगॉरच्या ३,७०० युनिट्सची विक्री केली आहे. टिगॉरची विक्री १८३.७४ टक्क्यांनी वाढली आहे. कंपनीने या वर्षाच्या सुरुवातीला टिगॉरचं सीएनजी व्हेरिएंट देखील लाँच केलं आहे. यानंतर होंडा सिटी आणि ह्युंदाई वेर्ना या सेडान कार्सचा नंबर लागतो.
वाचा : Best Selling Electric Cars : या आहेत देशात सर्वाधिक विकल्या जाणाऱ्या Top 5 इलेक्ट्रिक कार