मारुती सुझुकी एक्सएल ६ आज होणार लॉंच, 'ही' असेल किंमत

दिल्ली: मारुती सुझुकी एक्स एल ६ आज लॉंच होणार आहे. या कारमध्ये एकूण सहा सीट्स असतील. या कारची किंमत साडेनऊ लाख रुपये आहे.


या कारचं मॉडेल आर्टिगाच्या जवळ जाणारं आहे. पण आर्टिगाच्या तुलनेत ही कार सरस आहे. या कारमध्ये प्लास्टिक क्लाऊडिंग आणि मोठी ग्रिलही देण्यात आली आहे. या कारचे डिझाइन अत्यंत आकर्षक आणि शानदार आहे. या कारमध्ये रुफ रेल्सची सुविधाही देण्यात आली आहे.

मारुती एक्सएल६चं केबिन काळ्या रंगाचं आहे. या कारमध्ये ३ रांगांमध्ये एकूण ६ सीट्स आहेत. दुसऱ्या रांगेमध्ये आर्मरेस्टसोबत कॅप्टन सीट्स देण्यात आल्या आहेत. याशिवाय नवीन स्मार्टप्ले स्टुडीओ, एन्फोर्समेंट सिस्टीम, रियर वॉशर असे ही फिचर्स देण्यात आले आहेत. टॉप व्हेरिएंटध्ये रिव्हर्स कॅमेरा, लेदर सीट्स, क्रूझ कंट्रोलची सुविधाही मिळेल.

या कारमध्ये स्मार्ट हायब्रिड पेट्रोल इंजिन देण्यात आलं आहे. त्यासोबत ५ स्पीड मॅन्युअल आणि ४-स्पीड ऑटोमॅटिक गियरबॉक्सचा ऑप्शनही देण्यात आला आहे. तसंच १.५ लीटरच्या डिझेल इंजिनचाही पर्याय या कारमध्ये मिळू शकतो.