मर्सिडीज बेंज E 350d भारतात लाँच, किंमत ७५.२९ लाख रुपये

नवी दिल्लीः मर्सिडीज बेंज इंडियाने आपली कार 350d डिझेल भारतात लाँच केली आहे. कंपनीने या कारला आपल्या वेबसाईटवर लाँच केले आहे. विशेष म्हणजे हे मॉडेल काही महिन्यापूर्वी कंपनीने बाजारातून बंद केले होते. परंतु, आता कंपीने बीएस६ मध्ये अपग्रेड केले आहे. ही कार ई-क्लासचे टॉप डिझेल व्हेरियंट आहे. जे केवळ एलिट ट्रिम व्हेरियंटमध्येच उपलब्ध आहे. Mercedes-Benz E 350d ची किंमत ७५.२९ लाख रुपये (एक्स शोरूम ) आहे.

वाचाः शाओमीची फोल्डेबल इलेक्ट्रिक सायकल लाँच

या मर्सिडीजमध्ये फ्रंटला आणि रियरमध्ये वायरलेस चार्जिंग, इलेक्ट्रिकली अॅडजस्टेबल फ्रंट सिटांसोबत मेमोरी फंक्शन सीट आणि स्टियरिंग व्हील, एलईडी हेडलँम्प्स, एलईडी डीआरएल, ३६० डिग्री कॅमेरा, रियर इंटरटेनमेंट स्क्रीन्स, बर्मस्टर साऊंड सिस्टमसह १३ स्पीकर्स, डिजिटल इन्स्ट्रूमेंट कन्सोल आणि केबिन मध्ये ओपन पोर ब्लॅक एशवूड ट्रिम देण्यात आले आहे. कंपनीने यात मोठा १८ इंचाचा अलॉय व्हिल्स दिले आहेत. या कारमध्ये कनेक्टेड कार टेक्नोलॉजी, पॅनोरॅमिक सनरुफ दिला आहे. या मॉडेलमध्ये कंपनीने एयर सस्पेन्शन दिले आहे. त्यामुळे आरामदायक राईड क्वॉलिटी मिळते. भारतात मर्सिडिजची ही कार बेस्ट सेलिंग कार आहे. E 350d ची कार भारतात BMW 530d ला जोरदार टक्कर देताना दिसेल.

वाचाः TVS ची नवीन स्कूटी असणार 'लेडीज स्पेशल'

Mercedes-Benz E 350d मध्ये इंजिन २८२ बीएचपीचे पॉवर आणि ६२० एनएमचे टॉर्क जनरेट करते. हे इंजिन ९ जी ट्रॉनिक ऑटोमॅटिक ट्रान्समिशन सोबत येते. हे जुन्या मॉडेलच्या तुलनेत २० बीएचपी पॉवर आणि २० एनएम जास्त टॉर्क जनरेट करते. ही कार शून्य ते १०० किलोमीटर प्रति तास वेग पकडण्यासाठी ५. ते ७ सेकंद लागतो. याची टॉप स्पीड २५० किलोमीटर प्रति तास आहे. यात ३.० लीटर व्ही६ डिझेल इंजिन देण्यात आले आहे. हे इंजिन सर्वात आधी भारतात एस क्लासमध्ये २०१८ साली देण्यात आले होते.

वाचाः चीनच्या लिथियम-आयन बॅटरीला भारताचे आव्हान