कंपनीने अद्याप नवीन बजाज पल्सर 250 साठी (Pulsar 250) ऑनलाइन बुकिंग स्वीकारण्यास सुरूवात केलेली नाही, मात्र कंपनीच्या डीलरशिप्समध्ये बाईकचे बुकिंग सुरू झाले आहे. १००० ते ५००० रुपयांच्या टोकन रक्कमेवर ग्राहक नवीन पल्सर बूक करू शकता. तर पटकन बघूया कशी आहे नवीन पल्सर, इंजिन क्षमता-किंमत किती आणि १० नोव्हेंबरपासून का करणार डिलिव्हरीला सुरूवात? -
....म्हणून १० नोव्हेंबरपासून डिलिव्हरीला करणार सुरूवात -
नवीन Pulsar 250 च्या दोन्ही प्रकारांची डिलिव्हरी १० नोव्हेंबरपासून सुरू होण्याची घोषणा करण्यात आली आहे. या दिवसाचे एक वैशिष्ट्य म्हणजे पहिल्या पल्सर मॉडेलची डिलिव्हरी देखील २० वर्षांपूर्वी याच दिवशी सुरू झाली होती. बजाजची पल्सर रेंज भारतात लाँच झाल्यापासूनच सर्वाधिक लोकप्रिय असून कंपनीने नवीन पल्सर N250 आणि F250 टेक्नो ग्रे आणि रेसिंग रेड अशा दोन आकर्षक रंग पर्यायांमध्ये आणल्या आहेत. नवीन Pulsar 250 बाईकचे काही स्टाइलिंग घटक RS200 शी जुळतात. नवीन पल्सर 250 मध्ये स्प्लिट सीट सेटअप, मस्क्युलर फ्युएल टँक आहे.
आधीपेक्षा जास्त आक्रमक डिझाईनमध्ये आली नवीन पल्सर -
न्यू जनरेशन पल्सर 250 सध्याच्या पल्सर श्रेणीपेक्षा अधिक आक्रमक डिझाइनसह येते. ही wolf-eyed डिझाइनमध्ये आली असून, एलईडी डीआरएल (डेटाइम रनिंग लाइट्स) सह एलईडी प्रोजेक्टर हेडलॅम्प आणि नवीन एलईडी टर्न इंडिकेटरसह येते. नवीन बजाज पल्सर 250 रेंजमध्ये नवीन 249cc सिंगल-सिलेंडर, २-व्हॉल्व्ह, ऑइल-कूल्ड इंजिन आहे. हे इंजिन ८,७५० आरपीएमवर 24.5PS पॉवर आणि ६,५०० आरपीएमवर 21.5Nm पीक टॉर्क जनरेट करते. बाईकमध्ये ५ -स्पीड गिअरबॉक्स आहे. स्मूथ डाउनशिफ्टसाठी यात स्लिप आणि असिस्ट क्लच आहे.
१४ लिटरची इंधन टाकी, ब्रेकिंग सिस्टिममध्या काय?
ब्रेकिंगसाठी, नवीन बजाज पल्सर 250 मध्ये 300mm फ्रंट डिस्क आणि 230mm रियर डिस्क ब्रेक मिळतात. मोटरसायकलला मानक म्हणून सिंगल-चॅनल ABS (अँटी-लॉक ब्रेकिंग सिस्टम) मिळते. बाईकच्या सस्पेन्शन मेकॅनिझममध्ये टेलीस्कोपिक फ्रंट फोर्क्स आणि मोनोशॉक युनिटचा समावेश आहे आणि मागील बाजूस नायट्रोक्स आहे. याशिवाय बाईकमध्ये १४ लिटरची इंधन टाकी देण्यात आली आहे.
किंमत किती- टक्कर कोणाशी ?
कंपनीच्या डीलरशिप्समध्ये १००० ते ५००० रुपयांच्या टोकन रक्कमेवर नवीन पल्सरच्या बुकिंगसाठी सुरूवात झाली आहे. नवीन बजाज पल्सर N250 ची सुरुवातीची एक्स-शोरुम किंमत १.३८ लाख रुपये आहे. तर, सेमी-फेअरिंग डिझाइनसह आलेल्या बजाज पल्सर F250 ची किंमत १.४० लाख रुपये आहे. मार्केटमध्ये नवीन बजाज पल्सर 250 नेक्ड व्हेरिअंटची थेट स्पर्धा Yamaha FZ 250 आणि Suzuki Gixxer 250 शी आहे. तर, नवीन Pulsar F250 बाईक Suzuki Gixxer SF 250 ला टक्कर देईल.