महिंद्राची नवी थार किती सुरक्षित, NCAP ने दिली 'ही' रेटिंग

नवी दिल्लीः देशाची दिग्गज वाहन निर्माता कंपनी महिंद्राची न्यू जनरेशन महिंद्रा थार २०२० ची डिमांड लागोपाठ वाढत आहे. या दरम्यान महिंद्रा थार संबंधी एक गुड न्यूज समोर आली आहे. क्रॅश टेस्टमध्ये ग्लोबल NCAP ने महिंद्राच्या नवीन थारला जबरदस्त रेटिंग मिळाली आहे.

ग्लोबल NCAP क्रॅश टेस्ट मध्ये थारला ४ स्टार रेटिंग मिळाली आहे. सुरक्षेच्यादृष्टीने ही खूप चांगली गोष्ट आहे. NCAP च्या रिपोर्टनुसार, क्रॅश टेस्टमध्ये चालक आणि प्रवासी यांच्या डोक्याला तसेच मानेला चांगली सुरक्षा मिळाली आहे. तसेच चालकच्या छातीला पर्याप्त सुरक्षा आणि प्रवाशाला चांगली सुरक्षा मिळाली आहे. याशिवाय, ग्लोबल NCAP च्या क्रॅश टेस्टमध्ये चाइल्ड सेफ्टी मध्ये महिंद्राच्या या कारला ४ स्टार रेटिंग मिळाले आहेत. ग्लोबल NCAP मध्ये स्टार रेटिंग मिळाल्यानंतर कंपनीसाठी हे एक मोठे यश आहे. नवीन थार बद्दल लोकांचा विश्वास आणखी वाढण्यास मदत होईल.

वाचाः Innova Crysta Facelift भारतात लाँच, जाणून घ्या सर्व व्हेरियंट्सची किंमत

लाँचिंग पासून महिंद्राच्या या कारची बुकिंग वाढत आहे. जवळपास ४४ टक्के थारची बुकिंग डिझेल आणि पेट्रोल ऑटोमॅटिकची आहे. खास वैशिष्ट्ये म्हणजे थारची बुकिंग करणाऱ्यात बुकिंग करणारे ५५ टक्के ग्राहक हे पहिल्यांदा कार खरेदी करीत आहेत. नवीन थारची डिझाइन भारतात केलीआहे. तसेच याचे प्रोडक्शन नाशिक प्लांटमध्ये झाले आहे. कारमध्ये वापरण्यात आलेले अनेक पार्ट्स सुद्धा भारतात बनवलेले आहे. लग्झरी एसयूव्ही थार बीएस-६ नुसार याला तयार करण्यात आले आहे.



कंपनीने नवीन थारला दोन मॉडल एएक्स आणि एलएक्स मध्ये बाजारात उतरवले आहे. यात पेट्रोल आणि डिझेल प्रमाणे पॉवर ट्रेनचा पर्याय उपलब्ध आहे. डिझेल इंजिन मध्ये 120hp चे पॉवर जनरेट करते. तर पेट्रोल इंजिन १५० एचपीचे पॉवर जनरेट करते. एन्ट्री लेवल व्हेरियंट्स बंद झाल्यानंतर कंपनीने या कारची सुरुवातीची किंमत ११.९० लाख रुपये झाली आहे. हीच किंमत AX O पेट्रोल व्हेरियंटची आहे. कारच्या पेट्रोल व्हेरियंट्सची किंमत ११.९० लाख ते १३.५५ लाख रुपये झाली आहे. तर डिझेल व्हेरियंट्सची किंमत १२.१० लाख ते १३.७५ लाख रुपये आहे.

वाचाः Triumph आणतेय 600cc ची बाईक, ५० हजारांत करा बुकिंग

वाचाः Honda City हॅचबॅकवरून पडदा हटवला, जबरदस्त लूकसोबत पॉवरफुल परफॉर्मन्स

वाचाः नव्या व्हेरियंटमध्ये येतेय महिंद्राच्या २ कार, पाहा कधी होणार लाँच