महिलांसाठी स्टायलिश स्कुटी लाँच, किंमत आणि फीचर्स

नवी दिल्ली : ओकिनावा (Okinawa) ने भारतात आपली नवी इलेक्ट्रिक स्कुटी ओकिनावा लाइट (Okinawa Lite) लाँच केली आहे. चाचणी करताना ही स्कुटी दिसून आली होती. ही एक स्लो स्पीड स्कुटी असून खास तरुण आणि महिला ग्राहकांसाठी तयार करण्यात आली आहे. या स्कुटीवर शहरातलं अंतर अत्यंत कमी वेळात पार केलं जाऊ शकतं, शिवाय ही एक युझर फ्रेंडली स्कुटी असल्याचं कंपनीने म्हटलं आहे. या स्कुटीची एक्स शोरुम किंमत ५९ हजार ९९९ रुपये आहे.

ओकिनावा लाइट स्कुटीमध्ये लिथियम आयर्न बॅटरी देण्यात आली आहे, जी डिटॅचही करता येऊ शकते. ओकिनावा लाइट स्कुटी आणि बॅटरीची तीन वर्षांची वॉरंटीही कंपनीकडून दिली जात आहे. महिलांना चालवण्यासाठी अत्यंत सुलभ होईल, अशा पद्धतीने स्कुटी डिजाईन करण्यात आल्याचं कंपनीने म्हटलं आहे.

वाचा : हॅरियर ते सफारी, टाटाच्या कार्सवर १ लाखापर्यंत सूट

स्कुटीची वैशिष्ट्ये काय आहेत?

या स्कुटीमध्ये काही शानदार फीचर्स देण्यात आले आहेत. फुल-डिजीटल इंस्ट्रूमेंट क्लस्टर, तीन रायडिंग मोड्स (लो, हाय आणि एक्सीड) आणि डिस्प्लेवर मोठ्या आकाराचा स्पीडमीटरसह टेकोमीटर आणि पुश बटण स्टार्ट/स्टॉप असे फीचर्स आहेत. स्टार्ट/स्टॉप बटणच्या बाजूलाच स्टोरेज कम्पार्टमेंटसह यूएसबी चार्जरही देण्यात आलं आहे.

या स्कुटीमध्ये २५० वॅट बीएलडीसी वॉटरप्रूफ इंजिन देण्यात आलं आहे. इलेक्ट्रिक इंजिन ४० व्होल्ट, १.२५KWH लिथियम आयर्न आहे, जे अँटी थेफ्ट आहे. ही इलेक्ट्रिक स्कुटी २५ किमी प्रति तास या टॉप स्पीड वेगाने चालू शकते.

वाचा : वाहन उद्योग मंदीतून सावरला? कार विक्री वाढली

एकदा फुल चार्ज केल्यानंतर ही स्कुटी ५० ते ६० किमी अंतर कापू शकते. फुल चार्ज करण्यासाठी चार ते पाच तास लागतात. स्कुटीमध्ये एल्युमिनियम अलॉय व्हील्स देण्यात आले आहेत. स्कुटीची लांबू १७९० एमएम, रुंदी ७१० एमएम आणि उंची ११९० एमएम आहे. सस्पेन्शनसाठी यामध्ये टेलिस्कोपिक फ्रंट फ्रॉर्क्स आणि ड्युअल ट्यूब स्प्रिंग टाइप हायड्रॉलिक शॉक ऑब्जर्वर्स देण्यात आले आहेत.

ओकिनावा स्कुटीमध्ये हजार्ड फंक्शन, इनबिल्ट रायडर फूटरेस्ट आणि एलईडी स्पीडोमीटर देण्यात आलं आहे. याशिवाय एलईडी हेडलाइट, एलईडी विंकर्स, स्टायलिश टेललॅम्प्स, ऑटोमॅटिक इलेक्ट्रॉनिक्स हँडल, सेल्फ स्टार्ट पुश बटण देण्यात आलं आहे.