नवी दिल्ली : Ola will Manufacture Lithium Ion Battery Cell in India : आपल्या देशात इलेक्ट्रिक वाहनांसाठी चांगली डिमांड पाहायला मिळत आहे. मात्र इलेक्ट्रिक वाहनांच्या किंमती या पेट्रोल-डिझेलवर चालणाऱ्या वाहनांपेक्षा खूप जास्त आहेत. त्यामुळे अनेक जण इच्छा असूनही ईव्ही खरेदी करू शकत नाहीत. मात्र आता इलेक्ट्रिक वाहनांच्या किंमती कमी होण्याची शक्यता आहे. कारण इलेक्ट्रिक दुचाकी बनवणारी कंपनी ओला इलेक्ट्रिक लवकरच भारतात इलेक्ट्रिक वाहनांसाठी बॅटरी सेलचं उत्पादन सुरू करण्याचा विचार करत आहे. कंपनीच्या एका अधिकाऱ्याने सांगितलं आहे की, भारतात ईव्ही सेलचे उत्पादन सुरू झाल्यानंतर ओला आपल्या इलेक्ट्रिक वाहनांच्या किंमती २५ ते ३० टक्क्यांनी कमी करू शकेल. इलेक्ट्रिक वाहनांच्या बॅटरी भारतात बनू लागल्या तर बॅटरीच्या किंमती ३० ते ४० टक्क्यांनी कमी होऊ शकतात. सध्या भारतात इलेक्ट्रिक वाहने तयार करणाऱ्या कंपन्या बॅटरीसाठी चीन, तैवान आणि जपान सारख्या देशांवर अवलंबून आहेत. आपण बॅटरी सेल आयात करतो. त्यामुळे कंपन्यांचा बराचसा पैसा सेलसाठी खर्च होतो. भारतात विकल्या जाणाऱ्या इलेक्ट्रिक वाहनांच्या किंमतींपैकी जवळपास ३५ ते ४० टक्के खर्च हा केवळ बॅटरीसाठी असतो. सध्याच्या घडीला ओला कंपनी एलजी केमकडून (LG Chem) बॅटरी आयात करत आहे.
वाचा :मारुती सुझुकी स्विफ्ट CNG अवतारात लाँच होणार, जाणून घ्या मायलेज आणि किंमत
भारतात कुठेही इलेक्ट्रिक बॅटरी सेलचं उत्पादन होत नाही. त्यामुळे इलेक्ट्रिक वाहनांची किंमत जास्त आहे, म्हणूनच बाजारात इलेक्ट्रिक वाहनांच्या किमती पेट्रोलवर चालणाऱ्या वाहनांपेक्षा जास्त आहेत. इलेक्ट्रिक वाहनांच्या किंमती या देशातील ई-वाहनांच्या विकासातला सर्वात मोठा अडथळा आहेत.
...तर भारतातूनही इलेक्ट्रिक बॅटरीची निर्यात होणार
इकोनॉमिक टाइम्स ऑटोने ओला कंपनीच्या एका अधिकाऱ्याचा हवाला देत म्हटलं आहे की, ओला कंपनी त्यांच्या प्लांटमध्ये तयार होणाऱ्या बॅटरी पॅकचा वापर त्यांच्या स्वतःच्या इलेक्ट्रिक दुचाकींमध्ये करेल. तसेच कंपनीने बॅटरी सेलची विक्री आणि निर्यातीची देखील योजना बनवली आहे. देशांतर्गत बाजारतील इलेक्ट्रिक बॅटरीची मागणी पूर्ण झाली तरच कंपनी निर्यातीचा विचार करेल.
वाचा : टाटाच्या ५.९ लाखांच्या कारने मारुती, ह्युंदाई, महिंद्राची उडवली झोप, १० महिन्यात १ लाख गाड्यांची विक्री
परवडणारी इलेक्ट्रिक वाहनं तयार होणार
इकोनॉमिक टाइम्सच्या रिपोर्टनुसार ओला कंपनी सर्वात आधी त्यांच्या इलेक्ट्रिक वाहनांच्या किंमती कमी करण्याची योजना बनवत आहे. ओलाच्या अधिकाऱ्याने सांगितले की, ई-वाहनांच्या निर्मितीचा खर्च कमी असेल तर कंपन्या त्यांना सुरक्षित बनवण्यासाठी अधिक गुंतवणूक करू शकतील. यामुळे भविष्यात प्रत्येक ग्राहकाला परवडणारी इलेक्ट्रिक वाहनं तयार होऊ शकतील.
जगातलं सर्वात मोठं इनोवेश सेंटर भारतात
ओला कंपनीने गेल्या महिन्यात त्यांचा बॅटरी सेल सादर केला होता. कंपनीने त्यांच्या फ्यूचर फॅक्टरीमध्ये बॅटरी इनोव्हेशन सेंटर सुरू केलं आहे. ज्यामध्ये अनेक तज्ज्ञ सेल डिझाईन करण्यावर काम करत आहेत. ओलाचे संस्थापक भाविश अग्रवाल म्हणाले होते की, त्यांनी या बॅटरी इनोव्हेशन सेंटरच्या उभारणीसाठी ५०० मिलियन डॉलर्सची गुंतवणूक केली आहे. हे जगातील सर्वात मोठं अत्याधुनिक इनोव्हेशन सेंटर म्हणजेच संशोधन केंद्र असल्याचा दावा देखील त्यांनी केला आहे. हे कंपनीचं सर्वात आधुनिक रिसर्च सेंटर आहे. येथे ५०० इंजिनियर्स आणि तज्ज्ञ काम करतील. गेल्या महिन्यात ओला इलेक्ट्रिकने आपला लिथियम-आयन सेल NMC 217 सादर केला होता. ओला २०२३ पासून त्यांच्या फ्युचर फॅक्टरीत सेलचं मोठ्या प्रमाणावर उत्पादन सुरू करणार आहे.
वाचा : Mahindra Scorpio N च्या डिलीव्हरीची प्रतीक्षा संपणार! फक्त ३ दिवस वाट पाहा...
वाचा :मारुती सुझुकी स्विफ्ट CNG अवतारात लाँच होणार, जाणून घ्या मायलेज आणि किंमत
भारतात कुठेही इलेक्ट्रिक बॅटरी सेलचं उत्पादन होत नाही. त्यामुळे इलेक्ट्रिक वाहनांची किंमत जास्त आहे, म्हणूनच बाजारात इलेक्ट्रिक वाहनांच्या किमती पेट्रोलवर चालणाऱ्या वाहनांपेक्षा जास्त आहेत. इलेक्ट्रिक वाहनांच्या किंमती या देशातील ई-वाहनांच्या विकासातला सर्वात मोठा अडथळा आहेत.
...तर भारतातूनही इलेक्ट्रिक बॅटरीची निर्यात होणार
इकोनॉमिक टाइम्स ऑटोने ओला कंपनीच्या एका अधिकाऱ्याचा हवाला देत म्हटलं आहे की, ओला कंपनी त्यांच्या प्लांटमध्ये तयार होणाऱ्या बॅटरी पॅकचा वापर त्यांच्या स्वतःच्या इलेक्ट्रिक दुचाकींमध्ये करेल. तसेच कंपनीने बॅटरी सेलची विक्री आणि निर्यातीची देखील योजना बनवली आहे. देशांतर्गत बाजारतील इलेक्ट्रिक बॅटरीची मागणी पूर्ण झाली तरच कंपनी निर्यातीचा विचार करेल.
वाचा : टाटाच्या ५.९ लाखांच्या कारने मारुती, ह्युंदाई, महिंद्राची उडवली झोप, १० महिन्यात १ लाख गाड्यांची विक्री
परवडणारी इलेक्ट्रिक वाहनं तयार होणार
इकोनॉमिक टाइम्सच्या रिपोर्टनुसार ओला कंपनी सर्वात आधी त्यांच्या इलेक्ट्रिक वाहनांच्या किंमती कमी करण्याची योजना बनवत आहे. ओलाच्या अधिकाऱ्याने सांगितले की, ई-वाहनांच्या निर्मितीचा खर्च कमी असेल तर कंपन्या त्यांना सुरक्षित बनवण्यासाठी अधिक गुंतवणूक करू शकतील. यामुळे भविष्यात प्रत्येक ग्राहकाला परवडणारी इलेक्ट्रिक वाहनं तयार होऊ शकतील.
जगातलं सर्वात मोठं इनोवेश सेंटर भारतात
ओला कंपनीने गेल्या महिन्यात त्यांचा बॅटरी सेल सादर केला होता. कंपनीने त्यांच्या फ्यूचर फॅक्टरीमध्ये बॅटरी इनोव्हेशन सेंटर सुरू केलं आहे. ज्यामध्ये अनेक तज्ज्ञ सेल डिझाईन करण्यावर काम करत आहेत. ओलाचे संस्थापक भाविश अग्रवाल म्हणाले होते की, त्यांनी या बॅटरी इनोव्हेशन सेंटरच्या उभारणीसाठी ५०० मिलियन डॉलर्सची गुंतवणूक केली आहे. हे जगातील सर्वात मोठं अत्याधुनिक इनोव्हेशन सेंटर म्हणजेच संशोधन केंद्र असल्याचा दावा देखील त्यांनी केला आहे. हे कंपनीचं सर्वात आधुनिक रिसर्च सेंटर आहे. येथे ५०० इंजिनियर्स आणि तज्ज्ञ काम करतील. गेल्या महिन्यात ओला इलेक्ट्रिकने आपला लिथियम-आयन सेल NMC 217 सादर केला होता. ओला २०२३ पासून त्यांच्या फ्युचर फॅक्टरीत सेलचं मोठ्या प्रमाणावर उत्पादन सुरू करणार आहे.
वाचा : Mahindra Scorpio N च्या डिलीव्हरीची प्रतीक्षा संपणार! फक्त ३ दिवस वाट पाहा...