का झाली इतकी विक्री?
केंद्राने काही दिवसांपूर्वीच FAME-2 स्कीममध्ये सुधारणा करत इलेक्ट्रिक दुचाकी वाहनांना देण्यात येणारी सब्सिडी वाढवली. इलेक्ट्रिक दुचाकी वाहनांसाठी सब्सिडी १५ हजार प्रति KWh पर्यंत वाढवण्यात आली.आधी हा सब्सिडीचा दर ५ हजार प्रति KWh होता. त्यामुळे देशात इलेक्ट्रिक टू-व्हीलर्सच्या किंमती सतत कमी होत आहेत. परिणामी Revolt Motors ची RV 400 ही इलेक्ट्रिक बाइक देखील २८,२०० रुपयांनी स्वस्त झाली आहे. इतक्या मोठ्या संख्येने बुकिंग मिळण्यामागे किंमतीत झालेली घसघशीत कपात हे देखील एक कारण आहे.
RV 400 साठी पुन्हा बुकिंग कधी?
18 जून अर्थात कालपासून कंपनीने आपल्या RV 400 आणि RV 300 या बाइक्ससाठी बुकिंग घेण्यास पुन्हा सुरूवात केली होती. पण फक्त दोन तासांतच सर्व RV 400 बाइक्स 'आउट ऑफ स्टॉक' झाल्या. दिल्ली, मुंबई, पुणे, चेन्नई, अहमदाबाद आणि हैदराबाद या ६ शहरांमध्ये बुकिंगला पुन्हा सुरूवात करताना कंपनीने RV400 च्या बुकिंगसाठी टोकन अमाउंट दर ७,९९९ रुपये तर कंपनीची दुसरी बाइक RV300 च्या बुकिंगसाठी ७,१९९ रुपये होता. तर, Revolt Motors कंपनी आता बुक केलेल्या RV 400 ची डिलिव्हरी सप्टेंबर महिन्यापासून करण्यास सुरूवात करणार आहे. याशिवाय, भविष्यात मागणीच्या आधारावर पुन्हा बुकिंग प्रक्रियेला सुरूवात केली जाईल. इच्छुक ग्राहक कंपनीच्या अधिकृत संकेतस्थळावर जाऊन RV400 च्या पुढील बुकिंगबाबतची माहिती घेऊ शकतात. बुकिंगबाबत माहिती मिळवण्यासाठी "Notify Me" बटणावर क्लिक केल्यास तुम्हाला या बाइकबाबतचे अपडेट्स मिळतील.
Revolt RV 400 खासियत -
Revolt RV 400 मध्ये १५६ किलोमीटरपर्यंत रेंज आणि ८५ किलोमीटर प्रतितास टॉप स्पीड मिळतो. या बाइकचं वजन १०८ किलोग्रॅम असून चांगल्या हँडलिंगचा अनुभव मिळावा यासाठी कंपनीने तीन रायडिंग मोड्स दिलेत. यामध्ये ECO, Normal आणि Sport अशा तीन रायडिंग मोड्सचा समावेश आहे. ECO मोडमध्ये ४५ Kmph चा टॉप स्पीड आणि १५६ km रेंज मिळते. तर, Normal मोडमध्ये ६५Kmph चा टॉप स्पीड आणि ११० km रेंज मिळेल. याशिवाय Sport मोडमध्ये ६५Kmph चा टॉप स्पीड आणि ८० km रेंज मिळते.
RV400 ची नवीन किंमत -
RV400 ही भारतातील सर्वाधिक स्वस्त इलेक्ट्रिक बाइक्सपैकी एक आहे. FAME-2 स्कीममध्ये सुधारणा झाल्यानंतर Revolt Motors कंपनीने RV400 च्या किंमतीत २८,२०० रुपयांची कपात केली आहे. Revolt RV 400 ची दिल्ली एक्स-शोरूम किंमत आधी १,१८,९९९ रुपये होती. पण आता किंमतीत कपात झाल्याने या बाइकची दिल्ली एक्स-शोरूम किंमत ९०,७९९ रुपये झाली आहे. तर, अन्य शहरांमध्ये किंमत १,०६,९९९ रुपये आहे. म्हणजे, दिल्लीमध्ये ही बाइक सर्वात कमी किंमतीत खरेदी करता येईल.