Tata ने आणली मस्त ऑफर -
कंपनीने Tata Tiago आणि 2021 Tiago NRG साठी अतिशय आकर्षक ऑफर आणली आहे. ही कार सुलभ हप्त्यांवर खरेदी करता येईल. टाटाच्या वेबसाइटवर उपलब्ध असलेल्या माहितीनुसार, ग्राहक ही कार ३,५५५ रुपयांच्या सुलभ हप्त्यांवर खरेदी करू शकतात. कंपनीच्या वेबसाईटवर रजिस्टर केल्यास तुम्हाला या आकर्षक फायनान्स स्कीमबाबत सविस्तर माहिती मिळेल. ही कार खरेदी करायची असल्यास वेबसाईटवर, नाव-नंबर आणि ई-मेल आयडी टाकावा लागेल. हा छोटा फॉर्म भरल्यानंतर तुम्हाला कंपनीकडून कॉल येईल आणि ईएमआय ऑफरबाबत माहिती मिळेल.
सर्वात सुरक्षित हॅचबॅक कार, बघा इंजिन-मायलेज -
टियागो एनआरजीमध्ये अनेक सेफ्टी फीचर्स आहेत, शिवाय टियागोप्रमाणेच नवीन टियागो एनआरजी फेसलिफ्टलाही 4-स्टार ग्लोबल एनसीएपी सुरक्षा रेटिंग मिळाली आहे. ही देशातील सर्वात सुरक्षित हॅचबॅक आहे. यामध्ये ईबीडीसोबत एबीएस व ड्युअल एअरबॅग मिळतात. 2021 Tata Tiago NRG मध्ये बीएस-६ मानकांसह १.२-लिटर ३-सिलेंडर NA पेट्रोल इंजिन असून हे इंजिन ८६bhp पॉवर आणि ११३Nm टॉर्क जनरेट करतं. यासोबत ट्रान्समिशनसाठी ५-स्पीड मॅन्युअल आणि एएमटी गिअरबॉक्सचा पर्याय आहे. ही कार फक्त पेट्रोल इंजिनमध्येच येते. एका लिटर पेट्रोलमध्ये ही कार २० किमीपर्यंत चांगला मायलेज देते.
Tiago NRG फीचर्स -
नवीन टियागो एनआरजीमध्ये कंपनीने अपेक्षेप्रमाणे बरेच बदल केले आहेत. टाटा टियागो एनआरजीच्या केबिनमध्ये एक रिअर-व्ह्यू कॅमेरा, इंजिन स्टार्ट-स्टॉप बटण आणि अॅपल कार-प्ले व अँड्रॉइड ऑटोचा सपोर्ट असलेली ७ इंचाची इन्फोटेन्मेंट सिस्टिम आहे, केबिनमध्ये चारकोल ब्लॅक कलर थीमचा वापर जास्त करण्यात आला आहे. टियागो एनआरजीची ऑफ-रोड क्षमता चांगली ठेवण्यासाठी सस्पेन्शन रिट्यून केले आहेत. काळ्या रंगाचे रूफ आणि चारही बाजूंना बॉडी क्लॅडिंग व काळ्या रंगात ओआरवीएम दिले आहे. की-लेस बूट ओपनिंग, रिवर्स कैमरा, 4-स्पीकर Harman साउंड सिस्टिम असे फीचर्सही या कारमध्ये आहेत.
Tiago NRG अन्य फीचर्स आणि किंमत -
नवीन टियागो एनआरजीमध्ये स्पेशल डिझाइन असलेले अलॉय व्हील, ब्लॅक फ्रंट ग्रिल, ब्लॅक डुअर हँडल, स्पोर्टी ब्लॅक क्लॅडिंग, व्हील आर्चेस व मागे टेललाइट दिली आहे. याशिवाय पुढे व मागे बंपरमध्ये फॉक्स स्किड प्लेट असून यामुळे कारला अग्रेसिव लूक मिळालंय. टियागो एनआरजीमध्ये १५ इंचाचे अलॉय व्हील्स असून १८१ मिमी ग्राउंड क्लीअरन्स आहे. कारची लांबी ३७९३ मिमी, रुंदी १६६५ मिमी, उंची १५८७ मिमी आणि व्हीलबेस २४०० मिमी आहे.
किंमत : टाटा टियागोची बेसिक एक्स-शोरुम किंमत ४.९९ लाखापासून सुरू होते. तर, टियागो एनआरजीची बेसिक एक्स-शोरुम किंमत ६.५७ लाखापासून सुरू होते आणि टॉप व्हेरिअंटची किंमत ७.१२ लाख रुपयांपर्यंत जाते.