नवी दिल्ली : सुझुकी कंपनीने शुक्रवारी भारतीय बाजारात नवी बाइक 'जिक्सर २५०' लॉंच केली आहे. या बाइकची एक्स शोरुम किंमत १.६० लाख रुपये आहे. 'सुझुकी जिक्सर २५०' ही बाइक अलीकडे लॉंच केलेल्या 'जिक्सर एसएफ २५०' या बाइकचे व्हर्जन आहे. जिक्सर २५० या गाडीची किंमत फुल फेअर्ड व्हर्जनपेक्षा ११ हजाराहून कमी आहे. बाजारात या नव्या बाइकची स्पर्धा यामहा 'एफझेड २५', 'केटीएम २५० ड्युक आणि बजाज डोमिनार ४०० सारख्या बाइकशी असणार आहे.
'जिक्सर २५०' या बाइकचा लुक हा कंपनीने अलीकडे प्रदर्शित केलेल्या 'जिक्सर १५५' या बाइकसारखा आहे. या बाइकमध्ये 'जिक्सर १५५' सारखे एलईडी हॅडलॅम्प डिझाइन, स्पिल्ट सीट, फ्युल टॅंक आणि टॅंक या सर्वांची वाढ केली आहे. या नव्या बाइकमध्ये स्पोर्टी ड्यूल मफलर, ब्रश्ड फिनिश अलॉय वील्ज आणि नवे डिजिटल इन्स्ट्रिमेंट क्लस्टर मिळणार आहे. तसेच या व्यतिरिक्त ब्रॉन्ज फिनिश इंजिन कव्हर आणि साइड पॅनल देण्यात आले आहे.
इंजिन
जिक्सर २५० बाइकमध्ये २४९ सीसी, सिंगल-सिलिंडर, एओएचसी ऑइल-कूल्ड इंजिन आहे. हे इंजिन ९,००० 'आरपीएम'वर २६.५एचपी पॉवर आणि ७,५०० 'आरपीएम'वर २२.६ एनएम टॉर्क उत्पन्न करते. इंजिन ६- 'स्पीड गिअरबॉक्स'पेक्षा कमी आहे. जिक्सर २५० ही बाइक 'मॅटेलिक मॅट ब्लॅक' आणि 'मॅटेलिक मॅट प्लेटिनम चंदेरी'बरोबर तसेच मॅटेलिक मॅट ब्लॅक रंगातही उपलब्ध आहे.
सस्पेंशन आणि ब्रेकिंग
या बाइकच्या समोरील बाजूस टेलेस्कोपिक फोर्क्स आणि रियरमध्ये मोनोशॉर्क सस्पेंशन देण्यात आले आहे. बाइकच्या दोन्ही बाजूला डिस्क ब्रेक देण्यात आले आहे. बाइकचा ग्राउंड क्लिअरंस १६५ एमएम आणि सीट हाइट ८०० एमएम असून, फुल फेअर्ड 'जिक्सर एसएफ २५०' बाइकच्या बरोबर आहे.