टाटा मोटर्सची बंपर ऑफर, आयफोन एक्स मोफत

नवी दिल्ली:

सणासुदीच्या दिवसात सर्वच कार कंपन्या आपल्या ग्राहकांवर आकर्षक भेटवस्तू आणि विशेष सवलतींचा वर्षाव करत असतात. पण यावेळी सगळीकडे बोलबाला आहे तो टाटा मोटर्सचा. टाटा मोटर्सने 'फेस्टिव्हल ऑफ गिफ्ट' नावाची एक डिस्काउंट स्कीम लाँच केली आहे. ज्याद्वारे ग्राहकांना निश्चित स्वरुपाच्या भेटवस्तू दिल्या जाणार आहेत. हेक्सा, नेक्झॉन, टिगॉर, टियागो, सफारी स्टॉर्म आणि झेस्टच्या ग्राहकांना या भेटवस्तू दिल्या जाणार आहेत. विशेष म्हणजे या ग्राहकांना आयफोन एक्सही भेट म्हणून दिला जाणार आहे.

या स्कीममध्ये ९८ हजारापर्यंतची सूट दिली जाणार आहे किंवा टाटा हेक्सावर आयफोन एक्स भेट म्हणून दिला जाणार आहे. याशिवाय टियागो, टिगॉर, झेस्ट आणि सफारी स्टॉर्म वर तनिष्क व्हाऊचर्स, टॅबलेट, ३२ इंच एलईडी टिव्ही आणि अन्य भेटवस्तू मिळणार आहेत.

कोणत्या कारवर किती सूट

टिगॉर - ७३ हजार रुपये
नेक्झॉन - ५७ हजार रुपये
स्टॉर्म- ८७ हजार रुपये
हेक्सा - ९८ हजार रुपये
झेस्ट- ८३ हजार रुपये
टियागो- ४० हजार रुपये

टाटाची हेक्सा सात आसनी एसयूव्ही आहे. मार्केटमध्ये महिंद्रा XUV५०० आणि टोयोटा इनोव्हा क्रिस्टा यासारख्या कार तिच्या प्रतिस्पर्धी आहेत. किंमतीच्या बाबतीत हेक्सा या देन्ही गाड्यांपेक्षा स्वस्त आहेत. १२ लाख ५७ हजारच्या आसपास तिची किंमत आहे.