टाटा टियागो
टाटाची ही एन्ट्री लेवल हॅचबॅक टाटा टियागोची कार जबरदस्त आहे. या कारवर जास्तीत जास्त २५ हजार रुपयांपर्यंत फायदे मिळू शकतात. यात १५ हजार रुपयांचा कॅश डिस्काउंट आणि १० हजार रुपयांपर्यंत एक्सचेंज बोनसचा समावेश आहे. परंतु, ही ऑफर याच ग्राहकांना मिळणार आहे. जे ग्राहक डिलरला आपली जुनी कार एक्सचेंज ऑफर मध्ये देतील. टियागोची किंमत ४.८५ लाख रुपये ते ६.८४ लाख रुपया दरम्यान आहे.
टाटा टिगोर
टाटाची आणखी एक दुसरी कार म्हणजे टाटा टिगोर होय. या कारवर कंपनी ३० हजार रुपया पर्यंत डिस्काउंट देत आहे. टाटाची ही कार एक सिडान कार आहे. ३० हजार रुपयांच्या डिस्काउंट मध्ये १५ हजार रुपयांचा कॅश डिस्काउंट आमि १५ हजार रुपयांपर्यंत एक्सचेंज बोनसचा समावेश आहे. टिगोरमध्ये टियागोचे इंजिन देण्यात आले आहे. तर या कारची एक्स शोरूम किंमत ५.५९ लाख रुपये पासून ७.६३ लाख रुपया पर्यंत आहे.
टाटा नेक्सॉन
टाटा कंपनीची ही प्रसिद्ध आणि एनसीएपी क्रॅश टेस्टमध्ये ५ स्टार रेटिंग मिळवलेली कार आहे. त्यामुळे ही कार सुरक्षिक कार म्हणून ओळखली जाते. या कारच्या सब कॉम्पॅक्ट एसयूव्ही नेक्सनच्या डिझेल व्हेरियंट्सवर १५ हजार रुपयांपर्यंत एक्सचेंज बोनस दिला जात आहे. कंपनी याच्या पेट्रोल व्हेरियंट्सवर कोणतीही सूट किंवा डिस्काउंट देत नाही. टाटा नेक्सॉनची एक्स शोरूम किंमत ७.०९ लाख रुपये ते १२.७९ लाख रुपये आहे.
टाटा हॅरियर
कंपनीची कॉम्पॅक्ट एसयूव्ही टाटा हॅरियर वर सर्वात जास्त ६५ हजार रुपयांचा डिस्काउंट दिला जात आहे. यात २५ हजार रुपयांचा कॅश डिस्काउंट आणि ४० हजार रुपयांपर्यंत एक्सचेंज बोनसचा समावेश आहे. तर कंपनी हॅरियरच्या कॅमो, डार्क एडिशन, XZ+, XZA+ व्हेरियंट्सवर कोणताही डिस्काउंट कंपनी देत नाही. यावर केवळ ४० हजार रुपयापर्यंत एक्सचेंज बोनस दिला जात आहे.
टाटा सफारी २२ फेब्रुवारीला लाँच होणार
टाटा मोटर्स हॅरियवर बेस्ड ७ सीटर एसयूव्ही लाँच करीत आहे. या कारवरून २६ जानेवारी रोजी पडदा हटवला गेला होता. कंपनीने या एसयूव्हीचे नाव टाटा सफारी ठेवले आहे. कंपनीने याची बुकिंग सुरू केली आहे. केवळ ३० हजार रुपयांच्या किंमतीत ग्राहक ही कार बुक करू शकतो. कंपनी या कारला २२ फेब्रुवारी रोजी लाँच करणार आहे. यात टाटाची लेटेस्ट आयआरए कनेक्टेड टेक्नोलॉजी मिळणार आहे. सफारी मध्ये २.० लीटरचे डिझेल इंजिन मिळणार आहे. जे १७० बीएचपीचे पॉवर ३५० एनएमचे टॉर्क जनरेट करते. यात ६ स्पीड मॅन्यूअल शिवाय, ऑटो ट्रान्समिशन युनिटचा पर्याय देणार आहे.