टाटाची नवी कार लवकरच;टिगोरचे फोटो लीक

नवी दिल्ली : टाटा मोटर्स नवीन वर्षात अनेक कार लाँच करणार आहे. यामध्ये ७ सीटर एसयूव्हीपासून ते प्रीमिअम हॅचबॅक आणि सध्याच्या कार्सच्या नवीन मॉडल्सचाही समावेश आहे. टाटा टिगोर हे यापैकीच एक फेसलिफ्ट मॉडल आहे. कंपनी सध्या या कारची चाचणी करत आहे. कारची चाचणी करतानाचे काही फोटो नुकतेच लीक झाले, ज्यात टिगोरबद्दलची आणखी माहिती समोर आली आहे.

सिंगल चार्जिंगवर ३०० KM धावणार; टाटाची दमदार SUV लाँच

लीक फोटोंमध्ये टिगोर फेसलिफ्टचा फ्रंट लूक एका बाजूने दिसत आहे. या कारमध्ये ग्लॉस ब्लॅक फ्रंट ग्रिल मिळणार असल्याचं या फोटोंमधून स्पष्ट झालं आहे. ग्रिलची स्टायलिंग काही प्रमाणात टाटाची आगामी प्रीमिअम हॅचबॅक अल्ट्रॉजशी मिळतीजुळती आहे. नवीन टिगोरमध्ये पुढच्या बाजूला रॅपराऊंड प्रोजेक्टर हेडलॅम्प आहे. हेडलाईट्सच्या वर क्रोम स्ट्रिप देण्यात आली आहे, तर इंडिकेटर्स ग्रिलच्या जवळ आहेत.

टिगोर फेसलिफ्टमध्ये पुढचं बंपर सुधारित स्टाईलमध्ये पाहायला मिळणार आहे. याशिवाय कारचा एअरडॅम आणि फॉग लॅम्प पॉड्सची डिझाईनही सध्याच्या मॉडलपेक्षा वेगळी असल्याचं फोटोंमधून दिसत आहे. फॉग लॅम्प्सच्या चारही बाजूंनी क्रोम फिनिश देण्यात आली आहे.

'टाटा'ची नवी 7-सीटर SUV फेब्रुवारीत येणार

टाटा टिगोरच्या फेसलिफ्ट मॉडलमध्ये बीएस ६ उत्सर्जन मानकांची पूर्तता करणारं १.२ लिटर, ३ सिलिंडर पेट्रोल इंजिन असेल. बीएस ४ मॉडलमध्ये या इंजिनची क्षमता ८४ बीएचपी आणि ११४ एनएम टॉर्कची होती. बीएस ६ मध्येही इंजिन अशाच प्रकारचं असेल असा अंदाज लावला जात आहे. कारमध्ये ५ स्पीड मॅन्युअल आणि ५ स्पीड एएमटी गिअरबॉक्सचे पर्याय असतील.

टाटा मोटर्स नवीन वर्षातील पहिल्या महिन्यात म्हणजे जानेवारीतच दोन कार लाँच करणार आहे. यापैकी पहिली कार टाटा अल्ट्रॉज आणि दुसरी नेक्सॉन ईव्ही आहे. अल्ट्रॉज ही प्रीमिअम हॅचबॅक आहे, जी मारुती बलेनो आणि ह्युंदाई आय-२० यांसारख्या कारला टक्कर देईल. तर नेक्सॉन ईव्ही ही कंपनीची पहिली इलेक्ट्रिक एसयूव्ही आहे. बाजारात या कारची स्पर्धा ह्युंदाई कोना इलेक्ट्रिक आणि एमजी मोटर्सची आगामी झेडएस ईव्हीसोबत होणार आहे.