Tata Nexon EV
टाटा नेक्सॉन ईव्ही ही देशात सर्वाधिक विकली जाणारी इलेक्ट्रिक कार आहे. गेल्या महिन्यात कंपनीने या कारच्या २,८४७ युनिट्सची विक्री केली आहे. ही कार दोन व्हेरिएंट्समध्ये विकली जाते. प्राईम आणि मॅक्स अशी या दोन्ही व्हर्जन्सची नावं आहेत. या कारच्या किंमती १४.९९ लाख रुपयांपासून सुरू होतात. तर या कारच्या टॉप व्हेरिएंटची किंमत २०.०४ लाख रुपये इतकी आहे. या किंमती एक्स शोरूममधल्या आहेत. नेक्सॉन ईव्हीचे वेगवेगळे व्हर्जन्स सिंगल चार्जवर ३२० किमी ते ४३० किमीपर्यंतची रेंज देतात.
वाचा : दिवाळीत नवीन बाइक खरेदीची संधी हुकली? टेन्शन सोडा! या ६ बाइक्सवर अजूनही मिळतोय तगडा डिस्काउंट
Tata Tigor EV
टाटा टिगॉर ईव्ही ही देशातली स्वस्त इलेक्ट्रिक कार आहे. या कारची किंमत १२.४९ लाख रुपयांपासून सुरू होते. ही देशातली दुसरी सर्वाधिक विकली जाणारी इलेक्ट्रिक कार आहे. कंपनीने सप्टेंबर २०२२ मध्ये या कारच्या ८०८ युनिट्सची विक्री केली आहे. ही कार सिंगल चार्जवर ३०६ किमीपर्यंतची रेंज देते. टाटा टिगॉर देशातली एकमेव कार आहे. जी पेट्रोल, सीएनजी आणि इलेक्ट्रिक अशा तीन व्हर्जन्समध्ये येते. या कारच्या पेट्रोल आणि सीएनजी व्हेरिएंटला देखील खूप मागणी आहे.
MG ZS EV
ब्रिटीश वाहन निर्माती कंपनी मॉरिस आणि गेराज भारतात एसयूव्ही वाहनांच्या सेगमेंटमध्ये उत्तम कामगिरी करत आहे. कंपनी भारतात एक इलेक्ट्रिक कार देखील विकते. एमजी झेडएस ईव्ही असं या कारचं नाव आहे. सप्टेंबर महिन्यात कंपनीने या कारचे ४१२ युनिट्स विकले आहेत. या कारची किंमत २२.५८ लाख रुपये इतकी आहे. ही एक्स शोरूममधली किंमत आहे. ही थोडी प्रीमियम कार असून कंपनीने अलिकडेच या कारचं फेसलिफ्टेड व्हर्जन देखील लाँच केलं आहे.
वाचा : ३.३९ लाखांच्या कारवर ४३,००० रुपयांचा डिस्काउंट, दिवाळीनंतरही मिळतेय ऑफर!
Hyundai Kona Electric
दक्षिण कोरियाची वाहन उत्पादक कंपनी ह्युंदाई ही देशातली दुसरी सर्वात मोठी कंपनी आहे. ही कंपनी दर महिन्याला भारतात ५० हजारांच्या आसपास प्रवासी वाहनांची विक्री करते. कंपनी भारतात एक इलेक्ट्रिक कार देखील विकत आहे. Kona Electric असं या कारचं नाव असून हळूहळू ग्राहकांकडून या कारला पसंती मिळू लागली आहे. कंपनीने गेल्या महिन्यात या कारच्या १२१ युनिट्सची विक्री केली आहे. या कारमध्ये 39.2 kWh लिथियम-आयन बॅटरी पॅक देण्यात आला आहे. या कारची किंमत २३.८४ लाख रुपये इतकी आहे. ही एक्स शोरूममधली किंमत आहे.
BYD e6
BYD ही एक चिनी वाहन निर्माती कंपनी आहे. या कंपनीने अलिकडेच भारतीय वाहन बाजारात एंट्री केली आहे. कंपनीने भारतात त्यांची इलेक्ट्रिक कार e6 लाँच केली आहे. या कारला ग्राहकांकडून पसंती मिळू लागली आहे. देशात सर्वाधिक विकल्या जाणाऱ्या इलेक्ट्रिक कार्सच्या यादीत ही कार ५ व्या नंबरवर आहे. सप्टेंबर महिन्यात कंपनीने या कारचे ६३ युनिट्स विकले आहेत. BYD e6 इलेक्ट्रिक एमपीव्हीमध्ये 71.7 kWh बॅटरी पॅक देण्यात आला आहे. या कारची किंमत २९.१५ लाख रुपये इतकी आहे.