Tata Nexon
टाटा नेक्सॉन एसयूव्ही ही देशातली सध्याची सर्वात लोकप्रिय एसयूव्ही आहे. देशात सर्वाधिक विकल्या जाणाऱ्या एसयूव्हींच्या यादीत ही कार सलग ७ ते ८ महिने पहिल्या नंबरवर होती. ऑगस्ट महिन्यात ही कार दुसऱ्या नंबरवर होती. ही एक कॉम्पॅक्ट एसयूव्ही कार आहे. या कारमध्ये कंपनीने १.२ लीटर टर्बोजार्ज्ड पेट्रोल इंजिन दिलं आहे. हे इंजिन ६ स्पीड मॅन्युअल गिअरबॉक्सशी जोडलं आहे. या कारची किंमत ७.६० लाख रुपयांपासून सुरू होते. टाटा नेक्सॉन ही कार सुरक्षिततेच्या बाबतीत सर्वोत्तम आहे. कंपनी या कारचं इलेक्ट्रिक मॉडेल देखील विकते.
Mahindra XUV300
आपण एसयूव्हींबद्दल बोलत आहोत तर हा लेख महिंद्राच्या कारच्या उल्लेखाशिवाय पूर्ण होऊ शकत नाही. महिंद्राची एक्सयूव्ही ३०० ही एक या सेगमेंटमधली दमदार कार आहे. ही कार तुम्ही पेट्रोल किंवा डिझेल अशा दोन्ही इंजिन पर्यायांमध्ये खरेदी करू शकता. यामध्ये १.२ लीटर टर्बोजार्ज्ड पेट्रोल इंजिन देण्यात आलं आहे. हे इंजिन ११० पीएस पॉवर आणि २०० न्युटन मीटर टॉर्क जनरेट करू शकतं. या कारची सुरुवातीची किंमत ८.४१ लाख रुपये इतकी आहे. ही देशातल्या सर्वात सुरक्षित कार्सपैकी एक आहे.
Kia Sonet
किआ सोनेट ही कार तीन वेगवेगळ्या पॉवरट्रेन्समध्ये उपलब्ध आहे. या कारमध्ये १.२ लीटर पेट्रोल इंजिन आणि १.५ लीटर डिझेल इंजिन देण्यात आलं आहे. तसेच यात १.० लीटर टर्बोजार्ज्ड पेट्रोल इंजिनचा देखील पर्याय मिळतो. या कारची सुरुवातीची किंमत ७.४९ लाख रुपये इतकी आहे. या कारची बाजारात जोरदार विक्री होत आहे. बाजारात ही कार नेक्सॉन आणि ह्युंदाई वेन्यूला टक्कर देत आहे. कंपनी या कारची भारतात निर्मिती करून परदेशात निर्यात देखील करते.
वाचा : खूशखबर! नवरात्रीत या २० कार्सवर बम्पर ऑफर्स, मारुती, हुंदाई, टाटाकडून ५० हजारांचे डिस्काउंट्स
Hyundai Venue
ह्युंदाई वेन्यू ही कंपनीची कॉम्पॅक्ट एसयूव्ही बाजारात चांगली कामगिरी करत आहे. ही कंपनी देशातली दुसरी सर्वाधिक विक्री होणारी (ह्युंदाई क्रेटानंतर) कार आहे. कंपनीने अलिकडेच या कारचं २०२२ चं व्हर्जन लाँच केलं आहे. या कारच्या बेस व्हेरिएंटची किंमत ७.५२ लाख रुपये इतकी आहे. ही एक्स शोरूममधली किंमत आहे. कंपनीने या कारला स्पोर्टी लूक दिला आहे. तुम्ही या कारला क्रेटाचं छोटं व्हर्जन म्हणू शकता. कंपनीने गेल्या महिन्यात (ऑगस्ट) या कारचे ११,२४० युनिट्स विकले आहेत.
वाचा : भरधाव मर्सिडीजच्या धडकेत ट्रॅक्टरचे दोन तुकडे, कारमधल्या प्रवाशांचं काय झालं? पाहा Video
Maruti Suzuki Brezza
मारुती सुझुकीने अलिकडेच ही कार लाँच केली आहे. कंपनीने जुनी विटारा ब्रेझा अपडेट करून ही कार सादर केली आहे. मात्र कंपनीने यात अधिक सेफ्टी फीचर्स, इंटीरियर आणि एक्स्टीरियर अपडेट्स दिले आहेत. या कारची सुरुवातीची किंमत ७.९९ लाख रुपये इतकी आहे. ही कार कंपनीने जून महिन्यात लाँच केली होती. ऑगस्ट महिन्यात ही भारतातली सर्वाधिक विकली जाणारी कॉम्पॅक्ट एसयूव्ही ठरली आहे. या कारने बाजारात टाटा नेक्सॉनसमोर मोठं आव्हान निर्माण केलं आहे. तीन महिन्यात ही देशातली बेस्ट सेलिंग एसयूव्ही ठरली आहे.