प्रमुख प्रतिस्पर्धी बाजारातून गायब, फॉर्च्युनर ठरली अव्वल; विक्रीमध्ये थेट ८० टक्क्यांपर्यंत वाढ -
सप्टेंबर २०२१ मध्ये भारतात एकूण १,८६९ टोयोटा फॉर्च्युनर एसयूव्हीची विक्री झाली. गेल्या वर्षी याच महिन्याच्या तुलनेत ही ७९ टक्के वाढ आहे. सप्टेंबर २०२० मध्ये, फॉर्च्युनरची फक्त १,०४५ युनिट्स विकली गेली. फोर्ड एन्डेव्हरचे एकही युनिट गेल्या महिन्यात विकले गेले नाही, तर सप्टेंबर २०२० मध्ये एन्डेव्हरचे ६९४ युनिट विकले होते. फोर्डच्या भारत सोडण्याच्या निर्णयामुळे टोयोटा फॉर्च्युनरचा प्रमुख प्रतिस्पर्धी बाजारातून नाहीसा झाला आहे.
Endeavour नसल्याचा इतरांनाही फायदा -
Endeavour या सेगमेंटमध्ये नेहमीच टॉप सेलिंगपैकी एक राहिलीये, पण आता Endeavour मार्केटमध्ये नसल्याचा थेट फायदा अन्य कंपन्यांच्या एसयूव्हींनाही होतोय. एमजी ग्लॉस्टर ही या यादीतील दुसऱ्या क्रमांकाची सर्वाधिक विक्री होणारी एसयूव्ही ठरली आहे. सप्टेंबर २०२१ मध्ये एकूण २९२ ग्लॉस्टरची विक्री झाली आहे. तर गेल्या वर्षी सप्टेंबरपर्यंत एमजी ग्लॉस्टर भारतात लाँच झाली नव्हती. विभागातील तिसरी कार ह्युंडाई टक्सन आहे, कंपनीने सप्टेंबर २०२१ मध्ये १३९ युनिट्सची विक्री केली. ह्युंडाई टक्सन या एसयूव्हीच्या विक्रीत ६४ टक्के वाढ झाली आहे, कारण सप्टेंबर २०२० मध्ये केवळ ८५ युनिट खरेदी करण्यात झाली होती. Mahindra Alturas G4 च्या विक्रीत मात्र अजूनही वाढ झालेली नाही, उलट गेल्या वर्षी सप्टेंबरच्या तुलनेत यंदा विक्रीमध्ये ३० टक्क्यांची घट झाली असून यादीमध्ये चौथ्या क्रमांकावर आहे.
आधीच लोकप्रिय असलेली फॉर्च्यूनर आता Endeavour नसल्यामुळे अजून डिमांडमध्ये-
टोयोटाने २००९ मध्ये भारतात पहिल्यांदा फॉर्च्यूनर (Fortuner) एसयूव्ही लाँच केली. लाँच झाल्यापासूनच आपल्या अॅग्रेसिव्ह लूक आणि शानदार परफॉर्मन्समुळे या एसयूव्हीची नेहमीच डिमांड राहिलीये. आता Endeavour नसल्यामुळे या एसयूव्हीची डिमांड अजूनच वाढलीये. यावर्षी जानेवारी महिन्यामध्येच कंपनीने फॉर्च्यूनर नवीन फेसलिफ्ट मॉडलमध्ये भारताच्या बाजारात आणली, तर काही दिवसांपूर्वीच टोयोटा फॉर्च्युनर लेजेंडर 4X4 ऑटोमॅटिक (Toyota Fortuner Legender 4X4 Automatic SUV) देखील भारतात लाँच केलीये.
Toyota Fortuner खासियत आणि किंमत -
या पूर्ण आकाराच्या SUV मध्ये २.७-लिटर पेट्रोल इंजिन आणि २.८-लिटर डिझेल इंजिन आहे. ही एसयूव्ही फॉर्च्यूनर आणि Legender अशा दोन व्हर्जनमध्ये येते. यामध्ये कंपनीने अनेक अॅडव्हान्स्ड फीचर्सचा समावेश केलाय, सेफ्टीच्या बाबतीतही या एसयूव्हीला तोड नाही. यात Apple CarPlay सह मोठी टचस्क्रीन इन्फोटेन्मेंट सिस्टिम (लीजेंडरसाठी ९-इंच युनिट आणि बेस व्हर्जनसाठी ८-इंच युनिट) मिळते. यात ३६०-डिग्री पार्किंग कॅमेरा, वायरलेस चार्जिंग पॅड, सबवूफरसोबत प्रीमियम ११ स्पीकर्स JBL ऑडिओ सिस्टिम, कनेक्टेड कार टेक्नॉलॉजी, लेदर सीट व्हेंटिलेशन आणि इलेक्ट्रॉनिक डेफरेंशियल लूक असे अनेक फीचर्स दिले आहेत. इलेक्ट्रिकली अॅडजस्टेबल फ्रंट पॅसेंजर सीट्स, टोयोटा सेफ्टी सेन्स, लेन डिपार्चर वॉर्निंग, रडार-गायडेड डायनॅमिक क्रूज कंट्रोल ७ एअरबॅग्ससोबत व्हेईकल स्टेबिलिटी कंट्रोल, हिल असिस्ट, इलेक्ट्रॉनिक ब्रेकफोर्स डिस्ट्रीब्यूशन (EBD), एंटी लॉक ब्रेकिंग सिस्टिम (ABS) असे अनेक महत्त्वाचे फीचर्स दिले आहेत.
किंमत : टोयोटा फॉर्च्यूनर एसयूव्हीची एक्स-शोरुम किंमत ३०.७२ लाख रुपये ते ४२.३३ लाख रुपयांदरम्यान (एक्स-शोरुम) आहे.