हे आहे खराब रेटिंगचे कारण -
टोयोटा यारिसमध्ये (Toyota Yariss) साइड बॉडी आणि साइड हेड इफेक्टपासून संरक्षण करण्यासाठी एअरबॅग नाहीत, जो त्याच्या सुरक्षिततेमध्ये सर्वात मोठा दोष होता, असे लॅटिन NCAP ने नमूद केलं. याशिवाय साइड इम्पॅक्ट चाचणी दरम्यान कारचा दरवाजा उघडला, ज्यामुळे यारीस UN95 चाचणीत देखील अपयशी ठरली. तसेच, त्याच्या सीट बेल्ट रिमाइंडर सिस्टिमला अपघातादरम्यान समोरचा प्रवासी सापडला नाही, जी सुरक्षेतील आणखी एक मोठा त्रुटी असल्याचे दिसून आले.
फ्रंट इम्पॅक्ट चाचणीतही खराब कामगिरी -
यारीसने फ्रंट इम्पॅक्ट चाचणीतही खराब कामगिरी केली. समोरून अपघात झाला त्यावेळी यारिसची रचना असंतुलित असल्याचे सांगण्यात आले. कारचा फूटवेल एरिया समोरच्या प्रवाशाच्या पायांचे संरक्षण करण्यात अपयशी ठरला. साइड इफेक्ट टेस्टमध्ये यारिसचे दरवाजे उघडले, जे वास्तविक परिस्थितीत प्रवाशांसाठी अत्यंत असुरक्षित असल्याचे सिद्ध होऊ शकते. अपघाताच्या वेळी कारचे दरवाजे उघडल्याने प्रवासी बाहेर पडू शकतात आणि त्यांचा जीव धोक्यात येऊ शकतो, असे लॅटिन NCAP ने नोंदवले.
टोयोटा यारीसला फक्त १ स्टार मिळणे खूपच निराशाजनक -
क्रॅश टेस्टमध्ये फक्त १ स्टार रेटिंग मिळवणारी टोयोटा यारिस (Toyota Yaris) ही कंपनीची पहिली कार ठरलीये. याआधी टोयोटाच्या सर्व कारचा क्रॅश चाचण्यांमध्ये चांगला परफॉर्मन्स राहिला आहे. NCAP ने सांगितले की, टोयोटा यारीसला सुरक्षिततेसाठी फक्त एक स्टार मिळणे अत्यंत निराशाजनक आहे. हे मॉडल लॅटिन अमेरिकन देशांमध्ये खूप लोकप्रिय आहे आणि क्रॅश चाचण्यांमध्ये त्याच्या कामगिरीचा त्याच्या विक्रीवर वाईट परिणाम होऊ शकतो.
गेल्या महिन्यातच भारतात यारिसची विक्री बंद, बघा आहेत कोणते फीचर्स-
दरम्यान, गेल्या महिन्यातच कमी विक्रीमुळे टोयोटाने भारतीय बाजारपेठेत यारीसची विक्री बंद केली आहे. Toyota Yaris भारतात८.७६ लाख ते १४.६० लाख रुपयांच्या दरम्यान उपलब्ध करण्यात आली होती. Yaris चे १.५-लिटर पेट्रोल इंजिन 107 bhp पॉवर आणि 140 Nm टॉर्क जनरेट करते. हे इंजिन ६-स्पीड मॅन्युअल आणि ७-स्पीड ऑटोमॅटिक (CVT) गिअरबॉक्सशी जोडलेले आहे. टोयोटा यारिसमध्ये टायर प्रेशर मॉनिटरिंग सिस्टीम, ७ एअरबॅग्ज, एबीएस विथ एबीएस, रिअर पार्किंग सिस्टीम यासारखी सुरक्षा वैशिष्ट्ये देण्यात आली आहेत. याशिवाय, Yaris मध्ये 7.0-इंच टचस्क्रीन इन्फोटेन्मेंट सिस्टिम, लेदर सीट्स, LED DRL सह प्रोजेक्टर हेडलॅम्प, डायमंड कट अलॉय-व्हील्स, लेदरेट अपहोल्स्ट्री, पॉवर अॅडजस्टेबल ड्रायव्हर सीट, हिल स्टार्ट असिस्ट यांसारखी वैशिष्ट्ये देखील आहेत.