TVS ची 'ही' दमदार बाइक लवकरच येतेय!

नवी दिल्ली: बजाजच्या अॅव्हेंजर आणि सुझुकी इंस्ट्रूडरला टक्कर देण्यासाठी TVS Motor ची एक नवी क्रूझर बाइक लवकरच बाजारात दाखल होत आहे. TVS ची नव्या क्रूझर बाइकचे नाव आहे Zeppelin. टीव्हीएसची क्रूझर बाइक पुढील वर्षी भारतात लाँच होत आहे. टीव्हीएस मोटर कंपनी Zeppelin चे हे प्रोडक्शन रेडी मॉडेल लाँच करणार आहे. गेल्या वर्षीच्या ऑटो एक्स्पोमध्ये ही बाइक कन्सेप्टच्या रुपात सादर केली गेली होती. टीव्हीएस Zeppelin बाइक टू-टोन कलर स्कीमसह नेक्ड स्ट्रीट डिझाइन ऑफर करणार आहे. या बरोबरच, या बाइकमध्ये कंफर्टेबल रायडिंग पोझिशन, हँडलबार-माउंटेड मिरर आणि सोनेरी रंगाची फ्रंट फोर्क्स देण्यात आल्या आहेत.

Zeppelin मध्ये असेल २२० सीसी इंजिन

या बाइकमध्ये हेक्सॅग्नल आकाराचा हेडलॅप, स्पोक्ड चाके आणि इंधनाच्या टाकीवर कंपनीचे एम्ब्लेम देण्यात आला आहे. या व्यतिरिक्त हेडलँप, टर्न इंडिकेटर्स आणि टेललाइट्ससाठी बाइकमध्ये एलईडी लायटिंग सेटअप असणार आहे. Zeppelin चे प्रोडक्शन-रेडी मॉडेल २२० सीसी सिंगल-सिलेंडर, फ्यूएल इंजेक्टेड इंजिनने युक्त आहे. यात ५ स्पीड गिअरबॉक्स देण्यात आला आहे. इंजिन ८५०० आरपीएमवर २० बीएचपीची कमाल ऊर्जा तयार करते. यामुळे ७००० आरएमपीवर १८.५ एनएम चे पीक टॉर्क निर्माण होते.

१.२५-१.३० लाख रुपयांपर्यंत असू शकते किंमत

या बाइकमध्ये सुरक्षेची अधिक काळजी घेण्यात आली आहे. त्या दृष्टीने TVS Zeppelin च्या फ्रंट आणि रिअर चाकांमध्ये डिस्क ब्रेक्स देण्यात आले आहेत. या बरोबरच, यात इम्प्रूव्ह रोड हँडलिंगसाठी ड्यूअल चॅनल एबीएस देण्यात आला आहे. सस्पेंशनसाठी बाइकच्या समोरील बाजूस ४१ एमएमचे कन्व्हेंशनल टेलीस्कोपिक फोर्क देण्यात आले आहे. तर, मागील बाजूस मोनोशॉक युनिट देण्यात आले आहे. या बाइकच्या किंमतीबाबत कंपनीने माहिती दिलेली नाही. मात्र, त्याबाबत प्रसिद्ध झालेल्या वृत्तांनुसार, या बाइकची किंमत १.२५ लाख ते १.३० च्या घरात असण्याची शक्यता आहे. ऑटो एक्स्पोमध्ये जेव्हा ही बाइक ठेवण्यात आली होती, त्यावेळी या बाइकचे स्पोर्टी डिझाइन समोर आले होते. भारतीय बाजारात टीव्हीएस मोटरच्या या क्रूझर बाइकची टक्कर सुझुकी इंट्रूडर आणि बजाज अॅनेंजरशी होणार आहे.