1-New Generation MG Hector
या यादीत पहिला नंबर एमजी हेक्टर कारने पटकावला आहे. ही कार सध्या भारतीय बाजारात धुमाकूळ घालत आहे. या कारला बाजारात तगडी डिमांड असून ही देशातली कंपनीची सर्वाधिक विकली जाणारी कार आहे. कंपनी या कारचं न्यू जनरेशन मॉडेल लाँच करण्यासाठी सज्ज झाली आहे. हे मॉडेल नोव्हेंबर महिन्यात लाँच केलं जाईल. या एसयूव्हीमध्ये अनेक अत्याधुनिक फीचर्स दिले जाणार आहेत. तसेच नवीन मॉडेमध्ये काही कॉस्मेटिक बदल देखील पाहायला मिळतील. लाँचिंगनंतर ही कार कंपनीच्या विक्रीत आणखी भर घालेल.
वाचा : Tesla ची कार भारतात कधी होणार लाँच, कशी असेल Model 3 कार? जाणून घ्या सर्वकाही
2- Jeep Grand Cherokee
जीप कंपनी त्यांच्या मर्यादित पोर्टफोलिओसह भारतीय वाहन बाजारात चांगली कामगिरी करत आहे. कंपनी आता भारतात नवीन कार लाँच करणार आहे. या कारचं नाव जीप ग्रँड चेरोकी असं आहे. ही कार प्रीमियम सेगमेंटमध्ये पुढच्या महिन्यात लाँच केली जाणार आहे. या कारमध्ये अनेक इंजिन आणि फीचर्स अपग्रेड दिले जाणार आहेत. जीप ग्रँड चेरोकी या कारमध्ये ३.६ लीटर व्ही ६ इंजिन दिलं जाणार आहे, जे २९३ एचपी पॉवर आणि ३५२.५ न्युटन मीटर टॉर्क जनरेट करण्यास सक्षम आहे. या एसयूव्हीच्या दुसऱ्या मॉडेलमध्ये ५.७ लीटर व्ही ८ इंजिन दिलं जाईल जे ३५७ एचपी पॉवर आणि ५२८.७ न्युटन मीटर टॉर्क जनरेट करू शकतं.
3- BYD Atto 3
या यादीतलं तिसरं नाव चिनी ऑटोमेकर कंपनीच्या बीवायडी अॅटो ३ कारचं आहे. ही एक इलेक्ट्रिक एसूयव्ही आहे. कंपनीने अलिकडेच ही कार सादर केली आहे. Atto 3 ही चिनी कंपनीची भारतातली पहिली इलेक्ट्रिक एसयूव्ही असेल. ही कार पुढच्या महिन्यात बाजारात दाखल होईल. ही कार शानदार रेंज आणि फीचर्ससह बाजारात उतरवली जाणार आहे. या कारमध्ये 60.48 kWh क्षमतेचा बॅटरी पॅक मिळेल. यातली बॅटरी एकदा चार्ज केल्यावर ४८० किलोमीटरपर्यंतची रेंज देईल. ही कार अवघ्या ७.३ सेकंदात ० ते १०० किमी प्रति तास इतक्या वेगाने धावते.
4- Toyota Innova Hycross
या यादीतली चौथी कार टोयोटा कंपनीची आहे. या कारचं नाव टोयोटा इनोव्हा हायक्रॉस असं आहे. ही कार भारतात अनेकदा टेस्टिंगदरम्यान पाहायला मिळाली आहे. कंपनीने ही कार पुढच्या महिन्यात भारतात लाँच करण्याची योजना बनवली आहे. कंपनीची इनोव्हा क्रिस्टा सध्या बाजारातली सर्वाधिक विकली जाणारी कार आहे. ही कार इनोव्हाच्या विक्रीत आणखी भर घालेले असं कंपनीला वाटतं. या नवीन कारच्या जोरावर कंपनी बाजारावरील पकड मजबूत करण्याच्या तयारीत आहे.
वाचा :५ ते १० लाखांच्या बजेटमध्ये खरेदी करा या ३३ कार, पाहा सर्व गाड्यांची Price List
5-Maruti Baleno 2022 Cng
या यादीतलं पाचवं आणि अंतिम नाव मारुती सुझुकी बलेनो कारचं आहे. कंपनी पुढच्या महिन्यात या कारचं सीएनजी व्हेरिएंट लाँच करण्याच्या तयारीत आहेत. बलेनो ही कंपनीची देशातली सर्वाधिक विकली जाणारी कार आहे. आता कंपनी या कारचं सीएनजी व्हेरिएंट लाँच करून आपली विक्री आणखी वाढवण्याच्या तयारीत आहे. बलेनो सीएनजी कार अधिक तगडं मायलेज देईल याची कंपनीने काळजी घेतली. आहे. कंपनी या कारची त्यांच्या नेक्सा डीलरशिपअतर्गत विक्री करेल.