३१ मार्च नंतर BS4 गाड्यांचं काय होणार?
बीएस ४ (BS4) गाड्यांवर अनेक कंपन्या लाखो रुपयांचे डिस्काउंट देत आहेत. या सर्व गाड्या BS4 इंजिनच्या आहेत. जर तुम्ही सुद्धा या गाड्या खरेदी करण्याच्या विचारात असाल तर १ एप्रिल २०२० पासून देशभरात नवीन नियम लागू होणार आहे. अशावेळी BS4 इंजिन असलेल्या गाड्यांचं काय होणार आहे. BS4 या गाड्यांची विक्री ३१ मार्चपर्यंतच होणार आहे. परंतु, त्यानंतर या गाड्यांचं काय होणार ?, असा सवाल उपस्थित केला जात आहे. जाणून घेऊयात काही प्रश्नाविषयी....
कोणताही डीलर १ एप्रिल २०२० नंतर BS4 वाहनांची नोंदणी करू शकतो का?
नाही, सुप्रीम कोर्टाच्या निर्णयानुसार, कोणताही डीलर यानंतर नोंदणी करू शकत नाही. त्याला ३१ मार्चपूर्वी हे सर्व करावे लागणार आहे.
जर एखाद्या डीलरकडील गाड्यांचा स्टॉक संपला नाही तर काय होणार?
या गाड्या ३१ मार्चपूर्वी विकता येणार आहे. त्यानंतर या वाहनांची विक्री करता येणार नाही. डीलरकडे दोन पर्याय आहेत. एक तर ते वाहन कंपनीला परत करू शकतात. किंवा त्या गाड्या नष्ट करू शकतात. त्या वाहनांच्या सुट्ट्या भागांचा वापर करू शकतात.
जर BS4 वाहनाची विक्री झाली नाही किंवा कंपनीने ती विकत घेण्यास नकार दिला तर काय ?
जर एखाद्या डीलरकडे वाहनांचा स्टॉक असेल तर त्यांच्याकडे एकच पर्याय आहे. कंपनीच्या कर्मचाऱ्यांच्या नावाने वाहनांची नोंदणी करून त्या वाहनांची नंतर सेकंड हँड वाहन म्हणून विक्री करता येऊ शकते.
BS4 वाहनांना अतिरिक्त वेळ मिळू शकतो का?
नाही, आणखी वेळ नाही मिळू शकत. या वाहनांची विक्री फक्त ३१ मार्च पूर्वीच करता येऊ शकते. जर चांगला निर्णय आला नाही तर हायकोर्टात धाव घेता येऊ शकते.
BS4 प्रश्नांवरून बाहेर पडण्यासाठी डीलरला काय करावे लागेल?
ज्या वाहनांची विक्री झाली नाही त्यांची यादी बनवावी लागेल. २८ फेब्रुवारीच्या आधी त्यांची नोंदणी करणे आवश्यक आहे.
ज्या वाहनांची नोंदणी झाली नाही, हे एक डीलर कसे ओळखू शकेल?
पोर्टलवर लॉगिन करून माहिती मिळू शकते. ज्या वाहनांची ऑनलाइन रक्कम भरण्यात आली नाही. त्या वाहनांची यादी रिपोर्टमध्ये दिसणार नाही.
एक डीलर BS4 नोंदणीच्या प्रश्नांवर कसा मार्ग काढू शकतो?
जर डीलर नोंदणीनंतर वाहनांची डिलिव्हरी सुरू करतो. तर तो सर्व समस्यांतून बाहेर पडू शकतो. त्यासाठी डीलर डिलिव्हरी ऑर्डर, रिलिज ऑर्डर मिळवू शकतो. फॉर्म २० वर स्वाक्षरी झाली की नाही, याची तपासणी करता येऊ शकते.
ज्या वाहनांची नोंदणी झाली नाही, त्या फायनान्स रक्कम संदर्भात विचारण्याचा अधिकार आहे?
निश्चितपणे फायनान्सकडे हा अधिकार आहे. वाहनांची नोंदणी झाल्यानंतर किंवा वाहन जप्त केल्यानंतर ते वाहन सेकंड हँड म्हणून विकता येऊ शकते.
वाहनांची नोंदणी न झाल्यास ग्राहक पैसे परत मागू शकतात?
ही डीलरची जबाबदारी आहे. जर ग्राहकांना याचे पैसे मिळाले नाही तर तो कोर्टात जाऊ शकतो. हा निर्णय ग्राहकांच्या बाजुने लागू शकतो. ही सर्व जबाबदारी डीलरची आहे.