Video : डोक्यावर भांडी, हातात प्लास्टिकची बादली; तरीही Superwoman ने बाइकवर पार केली नदी

नवी दिल्ली : सोशल मीडियावर अनेक व्हिडिओ व्हायरल होत असतात, यातील अनेक व्हिडिओ आपल्याला खळखळून हसवतात तर काही व्हिडिओ प्रेरणादायी देखील असतात. सध्या सोशल मीडियावर असाच एक व्हीडिओ प्रचंड व्हायरल होत आहे. एका महिलेचा हा व्हिडिओ असून तिचं 'टॅलेंट' बघून सोशल मीडियावर नेटकऱ्यांनी या व्हिडिओला चांगलंच डोक्यावर घेतलंय. व्हिडिओ व्हायरल झाल्यापासून काही नेटकरी या महिलेला Wonder Woman म्हणतायेत तर काही नेटकरी तिला Superwoman म्हणत आहेत.
कोट्यवधीची Lamborghini Urus चोरणाऱ्याला मालकाने चक्क स्कूटरवरुन पाठलाग करुन पकडलं, नंतर...
व्हायरल होणाऱ्या व्हीडिओमध्ये महिला एका नदी किनारी भांडी धुवून झाल्यावर स्वतःच्या डोक्यावर भांड्यांनी भरलेला टब ठेवताना दिसतेय. तिने एका हातात बादली आणि दुसऱ्या हातात बॅगदेखील घेतली आहे. इतकंच नाही तरे, ती हे सगळं घेऊन चक्क नदी पार करण्यासाठी पाण्यामधून बाइक चालवतेय. या महिलेचे कसब खरंच पाहण्यासारखे आहेत. विशेष म्हणजे डोक्यावर ठेवलेल्या भांड्यांना कोणताही आधार नसताना ही महिला दुचाकीवर बसते, डोक्यावर भांड्यांची टोपली एका हातामध्ये प्लास्टिकची बकेट आणि दुसऱ्या हातमध्ये पिशवी इतके सामान असताना ती अतिशय आरामात पाण्यातून बाइक चालवताना दिसतेय. हा व्हीडिओ ट्विटरवर '@Dr.Ajayita' नावाच्या अकाउंटवरुन शेअर करण्यात आला असून महिलेचं धाडस आणि 'टॅलेंट' पाहून नेटकरी अवाक् झालेत. बघा व्हिडिओ :