लूक आणि डिझाइन : काही आठवड्यांपूर्वीच ही नवीन बाइक 'अटल टनल'जवळ एका टीव्ही कमर्शियलसाठीच्या चित्रीकरणावेळी दिसली होती. त्यावेळी या बाइकचे अनेक फोटो लीक झाले होते. त्यावरुन ही एक नियो-रेट्रो स्टाइल बाइक असेल हे स्पष्ट झालं. नवीन बाइकला कंपनीने आकर्षक डिझाइन आणि शानदार लूक दिलं आहे. बाइकच्या पुढील बाजूला MT-15 शी मिळतेजुळते असलेले LED प्रोजेक्टर हेडलॅम्प देण्यात आले आहेत. यासोबतच बाइकमध्ये सर्क्युलर स्प्लिट स्लाइड LED DRL आहेत, यांचा अंधारात चांगला उपयोग होतो. शिवाय पिलियन रायडर (मागे बसणाऱ्यांसाठी) ग्रॅब रेल दिले आहे.
इंजिन : नवीन यामहा FZ-X मध्ये १४९ cc क्षमतेचे, सिंगल सिलेंडर, एअर कुल्ड इंजिन असू शकते. हे इंजिन १२.२ hp ऊर्जा निर्माण करते. नवीन बाइकमध्ये FZ-X स्मार्टफोन ब्लूटूथ कनेक्टिव्हिटीसारखे फिचर असण्याचीही शक्यता आहे.
किती असू शकते किंमत? : नवीन यामहा FZ-X सध्याच्या FZS-Fi च्या तुलनेत ३०mm जास्त लांब, ५mm उंच आणि ३५mm जास्त रुंद असेल. तर, व्हीलबेस १,३३०mm इतका असेल. सध्या बाजारात असलेल्या FZS-Fi ची एक्स-शोरुम किंमत १.०८ लाख रुपयांपासून सुरू होते. तर, नवीन FZ-X ची किंमत FZS-Fi पेक्षा जवळपास ५ हजार ते ७ हजार रुपये जास्त असू शकते. कंपनी ही बाइक १.१५ लाख रुपयांत लाँच करु शकते, ही किंमत नॉन-ब्लूटूथ व्हर्जनची असेल. तर, ब्लूटूथ एनेबल्ड व्हर्जनची किंमत यापेक्षा थोडी जास्त असेल.