अर्थसंकल्प २०२१: अर्थव्यवस्थेला मिळणार मोठा बूस्टर

नवी दिल्ली: Budget 2021 संपूर्ण देशाचे लक्ष असलेला केंद्रीय अर्थसंकल्प आज संसदेत सादर केला जाणार आहे. करोना व्हायरसमुळे गेल्या वर्षभरापासून अर्थव्यवस्था बिट अवस्थेतून जात आहे. अर्थव्यवस्थेला करोनाच्या प्रभावातून बाहेर काढण्यासाठी यावेळी केंद्र सरकार बुस्ट देण्याची शक्यता व्यक्त केली जात आहे.

वाचा- LIVE : केंद्रीय अर्थसंकल्प लाइव्ह अपडेट्स

करोनामुळे देशातील सर्व क्षेत्रांना मोठा फटका बसला आहे. त्यामुळे याआधी कधीच नव्हती इतकी अपेक्षा यावर्षाच्या अर्थसंकल्पाकडून सर्वसामान्यांना आहे. करोनामुळे सरकारने आतापर्यंत अनेक वेळा विविध क्षेत्रांना मदत केली आहे. पण अर्थव्यवस्था अजून रुळावर आलेली नाही. अर्थसंकल्पातून केंद्र सरकाकडून हीच अपेक्षा असेल की लोकांकडे अधिक पैसे शिल्लक राहतील आणि करोनामुळे लोकांचा जो अतिरिक्त पैसा खर्च झाला आहे त्याची भरपाई मिळेल.

वाचा- बजेट २०२१ ; आरोग्य,संरक्षण, उत्पादनसारख्या क्षेत्रांवर सरकारचा भर

अर्थमंत्री निर्मला सीतारमण यांनी देखील अर्थव्यवस्थेला मोठा मदत दिला जाईल असे संकेत दिले आहेत. अर्थव्यवस्थेला करोनाच्या माऱ्यातून बाहेर काढण्यासाठी या अर्थसंकल्पात एक निश्चित रोड मॅप दिला जाऊ शकतो. खर्चाचा विचार करता वित्तीय तूट वाढणार नाही याची काळजी घ्यावी लागणार आहे. सरकारच्या खर्चात १० टक्के वाढ आणि वित्तीय तूट ५.५ टक्के राहण्याची शक्यता व्यक्त केली जात आहे.

वाचा- Budget 2021: मागच्या १० वर्षात शेअर बाजाराने कसा दिला होता प्रतिसाद?

२०२०-२१ या आर्थिक वर्षात केंद्र सरकारला बीपीसीएल आणि एअर इंडिया या दोन मोठ्या कंपन्यांची विक्री करता आली नाही. त्याच बरोबर एलआयसीचा आयपीओ देखील बाजारात आणता आला नाही. पुढील आर्थिक वर्षात या गोष्टींवर सरकारचा फोकस असेल.