'बजेट'चा अर्थ समजवण्यासाठी सरकारचे 'सोशल कॅम्पेन'

नवी दिल्ली : सर्व सामान्यांना 'बजेट'विषयी माहिती सहज आणि सोप्या भाषेत समजून सांगण्यासाठी केंद्रीय अर्थ मंत्रालयाने पुढाकार घेतला आहे. अर्थ मंत्रालयाकडून पुढील काही दिवस 'बजेट' मधील संकल्पना सोशल मिडियावर सोप्या भाषेत सांगण्यात येणार आहेत. यासाठी ट्विटरवर '#ArthShastri' या नावाने हॅशटॅग सुरु करण्यात आला आहे. १२ विविध भाषांमधून अर्थसंकल्पाची माहिती दिली जाणार आहे.

हलवा वाटपाने अर्थसंकल्प छपाई सुरू

अर्थ मंत्रालयाकडून २२ जानेवारीपासून 'बजेट' विषयक जनजागृती केली जाणार आहे. यासाठी ट्विटरवर '#ArthShastri'या नावाने हॅशटॅग सुरु करण्यात आला आहे. यात अर्थविषयक क्लिष्ट संकल्पना सोप्या करुन सांगितल्या जातील. आकर्षक अॅनिमेटेड व्हीडिओचा वापर केला जाईल. गेल्या वर्षी अशाच प्रकारे उपक्रम राबवण्यात आला होता. 'अर्थ' या विद्यार्थ्याकडून बजेटविषयक प्रश्न विचारण्यात येतील. ज्याला डाॅ. शास्त्री हे प्राध्यापक समर्पक उत्तरे देतील.

कंपनी कर सरसकटपंधरा टक्के असावा

'बजेट'मध्ये सरकारने दिलेली आश्वासने आणि वचनपूर्ती याबाबतही '#HamaraBharosa'हे कॅम्पेन चालवले जाणार आहे. १२ विविध भाषांमधून अर्थसंकल्पाची माहिती दिली जाणार असून यात आरोग्य सेवा, सर्वांसाठी घरे याविषयी जनजागृती केली जाईल. रविवारी अर्थ मंत्रालयाकडून देशपातळीवरील पायाभूत सेवा प्रकल्पांची माहिती देण्यात येणार आहे. '#ArthShastri'आणि '#HamaraBharosa'या दोन्ही जनजागृतीपर मोहीमा २९ जानेवारीपर्यंत चालू राहणार आहेत.