ईटी वृत्त । मुंबई
'बेनेट, कोलमन अॅण्ड कंपनी'ने (बीसीसीएल) रिपब्लिक टीव्ही या इंग्रजी वृत्तवाहिनीचे संस्थापक अर्णब गोस्वामी आणि पत्रकार प्रेमा श्रीदेवी यांच्याविरुद्ध कॉपीराइटचा भंग केल्याचा गुन्हा मुंबई पोलिसांकडे दाखल करण्यात आला आहे.
'बीसीसीएल'ने मुंबईतील आझाद मैदान पोलीस ठाण्यात ही तक्रार दाखल केली आहे. भा.द.वि. कलम ३७८, ३७९, ४०३, ४०५, ४०६, ४०९, ४११, ४१८ तसेच माहिती तंत्रज्ञान कायदा - २००० चे सेक्शन ६६-ब, ७२ आणि ७२-अ अन्वये ही तक्रार दाखल करण्यात आली आहे. एफआयआरमध्ये गोस्वामी आणि त्यांच्या वृत्तवाहिनीच्या पत्रकारावर चोरी, विश्वासघात, साधनसंपत्तीचा दुरुपयोग, बीसीसीएलच्या बौद्धिक संपदा अधिकारांचं उल्लंघन केल्याचा आरोप करण्यात आला आहे. रिपब्लिक टीव्हीवर ६ आणि ८ मे रोजी 'बीसीसीएल'च्या मालकी हक्काच्या बौद्धिक संपदेचा अनेकवेळा वापर करण्यात आल्याचेही नमूद करण्यात आले आहे.
'टाइम्स नेटवर्क'ची इंग्रजी वृत्तवाहिनी 'टाइम्स नाउ'मध्ये एडिटर इन चीफ म्हणून काम केलेल्या अर्णब गोस्वामी यांनी ६ मे रोजी त्यांची वृत्तवाहिनी रिपब्लिक टीव्ही सुरू केली. वाहिनीने पहिल्याच दिवशी राष्ट्रीय जनता दलाचे अध्यक्ष लालू प्रसाद यादव यांच्याबाबत गौप्यस्फोट केला. लालू आणि कारागृहात असलेला माजी खासदार शहाबुद्दीन यांच्यात फोनवर होत असलेल्या संभाषणाची ऑडियो टेप वाहिनीवर चालवण्यात आली. त्यानंतर ८ मे रोजी याच वाहिनीवर आणखी एक स्टोरी दाखवण्यात आली. 'टाइम्स नाऊ'मध्ये पूर्वी पत्रकार असलेल्या आणि सध्या रिपब्लिक टीव्हीत असलेल्या श्रीदेवी यांनी ही स्टोरी केली होती. त्यात काँग्रेस नेते शशी थरूर यांची दिवंगत पत्नी सुनंदा पुष्कर आणि त्यांचा नोकर नारायण यांच्यातील संभाषणाची ऑडियो टेप दाखवण्यात आली. या दोन्ही स्टोरीजसाठी ऑडियो टेप्सच्या रूपाने जी सामग्री वापरण्यात आली ती सर्व सामग्री गोस्वामी आणि श्रीदेवी यांनी 'टाइम्स नाउ'चे कर्मचारी असताना मिळवलेली आहे, असे 'बीसीसीएल'ने पोलिसांकडे केलेल्या तक्रारीत नमूद केले आहे.
मुख्य म्हणजे गोस्वामी आणि श्रीदेवी या दोघांनीही सुनंदा पुष्कर प्रकरणाबाबत ८ मे रोजी उघड केलेली ऑडियो टेप त्यांच्याकडे दोन वर्षांपासून ('टाइम्स नाउ'मध्ये काम करत असतानापासून) होती असे ऑन-एअर मान्य केलेले आहे, असेही बीसीसीएलने तक्रारीत अधोरेखित केले आहे.
गोस्वामी आणि श्रीदेवी यांनी जाणीवपूर्वक आणि विचारपूर्वक आपल्या फायद्यासाठी 'टाइम्स नाउ'च्या बौद्धिक संपदेचा दुरुपयोग केलेला आहे. हा सरळसरळ भा.द.वि. कलम ४०३ आणि अन्य कलमांन्वये दंडात्मक गुन्हा असल्याचेही तक्रारीत नमूद करण्यात आले आहे.
'बेनेट, कोलमन अॅण्ड कंपनी'ने (बीसीसीएल) रिपब्लिक टीव्ही या इंग्रजी वृत्तवाहिनीचे संस्थापक अर्णब गोस्वामी आणि पत्रकार प्रेमा श्रीदेवी यांच्याविरुद्ध कॉपीराइटचा भंग केल्याचा गुन्हा मुंबई पोलिसांकडे दाखल करण्यात आला आहे.
'बीसीसीएल'ने मुंबईतील आझाद मैदान पोलीस ठाण्यात ही तक्रार दाखल केली आहे. भा.द.वि. कलम ३७८, ३७९, ४०३, ४०५, ४०६, ४०९, ४११, ४१८ तसेच माहिती तंत्रज्ञान कायदा - २००० चे सेक्शन ६६-ब, ७२ आणि ७२-अ अन्वये ही तक्रार दाखल करण्यात आली आहे. एफआयआरमध्ये गोस्वामी आणि त्यांच्या वृत्तवाहिनीच्या पत्रकारावर चोरी, विश्वासघात, साधनसंपत्तीचा दुरुपयोग, बीसीसीएलच्या बौद्धिक संपदा अधिकारांचं उल्लंघन केल्याचा आरोप करण्यात आला आहे. रिपब्लिक टीव्हीवर ६ आणि ८ मे रोजी 'बीसीसीएल'च्या मालकी हक्काच्या बौद्धिक संपदेचा अनेकवेळा वापर करण्यात आल्याचेही नमूद करण्यात आले आहे.
'टाइम्स नेटवर्क'ची इंग्रजी वृत्तवाहिनी 'टाइम्स नाउ'मध्ये एडिटर इन चीफ म्हणून काम केलेल्या अर्णब गोस्वामी यांनी ६ मे रोजी त्यांची वृत्तवाहिनी रिपब्लिक टीव्ही सुरू केली. वाहिनीने पहिल्याच दिवशी राष्ट्रीय जनता दलाचे अध्यक्ष लालू प्रसाद यादव यांच्याबाबत गौप्यस्फोट केला. लालू आणि कारागृहात असलेला माजी खासदार शहाबुद्दीन यांच्यात फोनवर होत असलेल्या संभाषणाची ऑडियो टेप वाहिनीवर चालवण्यात आली. त्यानंतर ८ मे रोजी याच वाहिनीवर आणखी एक स्टोरी दाखवण्यात आली. 'टाइम्स नाऊ'मध्ये पूर्वी पत्रकार असलेल्या आणि सध्या रिपब्लिक टीव्हीत असलेल्या श्रीदेवी यांनी ही स्टोरी केली होती. त्यात काँग्रेस नेते शशी थरूर यांची दिवंगत पत्नी सुनंदा पुष्कर आणि त्यांचा नोकर नारायण यांच्यातील संभाषणाची ऑडियो टेप दाखवण्यात आली. या दोन्ही स्टोरीजसाठी ऑडियो टेप्सच्या रूपाने जी सामग्री वापरण्यात आली ती सर्व सामग्री गोस्वामी आणि श्रीदेवी यांनी 'टाइम्स नाउ'चे कर्मचारी असताना मिळवलेली आहे, असे 'बीसीसीएल'ने पोलिसांकडे केलेल्या तक्रारीत नमूद केले आहे.
मुख्य म्हणजे गोस्वामी आणि श्रीदेवी या दोघांनीही सुनंदा पुष्कर प्रकरणाबाबत ८ मे रोजी उघड केलेली ऑडियो टेप त्यांच्याकडे दोन वर्षांपासून ('टाइम्स नाउ'मध्ये काम करत असतानापासून) होती असे ऑन-एअर मान्य केलेले आहे, असेही बीसीसीएलने तक्रारीत अधोरेखित केले आहे.
गोस्वामी आणि श्रीदेवी यांनी जाणीवपूर्वक आणि विचारपूर्वक आपल्या फायद्यासाठी 'टाइम्स नाउ'च्या बौद्धिक संपदेचा दुरुपयोग केलेला आहे. हा सरळसरळ भा.द.वि. कलम ४०३ आणि अन्य कलमांन्वये दंडात्मक गुन्हा असल्याचेही तक्रारीत नमूद करण्यात आले आहे.